Μη κλαις, πουλί μ’

Προβολή Τραγουδιού

Καλλιτέχνες: Ανέστης Μπαλτατζίδης, Παναγιώτης Ασλανίδης

Μη κλαις, πουλί μ’, μη κλαις, αρνί μ’,
χαλάουνταν τ’ ομμάτι͜α σ’
[Ντό να ’ίνουμαι;]
Γράψον γραμμόπον/γράμμαν και στείλον με,
μελάν’ ποίσον τα δάκρυ͜α σ’
[Ντό να ’ίνουμαι;]

Δεντρά πουθέν μ’ αφήνετεν,
όλια κατακλαδέψτεν
[Ντό να ’ίνουμαι;]
Τοπλαέψτεν και φέρτε͜ ατα,
το ταφόπο μ’ σαρέψτεν
[Ντό να ’ίνουμαι;]

Γιατροί και γιατρικά πολλά,
σον πόνο μ’ όλια ξένα
[Ντό να ’ίνουμαι;]
Έναν ώρα ’κι ’ίνουμαι,
αρνί μ’, χωρίς εσένα
[Ντό να ’ίνουμαι;]

Γλωσσάρι

Κείμενο	Επεξήγηση	Ετυμ. Ρίζα
ατα	αυτά
γραμμόπον	γραμματάκι
γράψον	γράψε
’ίνουμαι	γίνομαι
’κι	δεν	οὐκί<οὐχί
όλια	όλα
ομμάτι͜α	μάτια
ποίσον	(προστ.) κάνε, φτιάξε	ποιέω, ποιῶ
πολλά	(επίθ.) πολλά, (επίρρ.) πολύ
πουθέν	πουθενά
σαρέψτεν	(προστ.) τυλίξτε, περικυκλώστε	sarmak
στείλον	(προστ.) στείλε
ταφόπο	(υποκορ.) τάφος
τοπλαέψτεν	(προστ.) μαζέψτε, συγκεντρώστε	toplamak
χαλάουνταν	χαλάνε, καταστρέφονται