Σεβτά γιατί εφώλευες

Προβολή Τραγουδιού

Καλλιτέχνες: Αλεξάνδρα Ξενοδοχίδου, Παναγιώτης Ασλανίδης

Σεβτά γιατί εφώλευες
βαθέα σην καρδία μ’;
Και με το Χάρον θέλτς εσύ
να ’φτάω συντροφίαν

Ποίον καρδά̤ν ’κ’ επόνεσεν
αρ’ ους να εγαπέθεν;
Εφτά φοράς ενέσκαφτεν
την ώρα ντ’ εγεννέθεν

Ποίος σεβταλής εχάρεν
και έφερεν το τέλος;
Τίνος σεβταλή πρόσωπον
εχόρτασεν το γέλος;

Σεβταλήν καν’νάν έτυχες
να έλεγεν τα τέρτα̤ τ’;
Σα δύο λόγ̆ια αναμεσά
εβγάλ’ σπογγίζ’ τα δά̤κρα̤ τ’

Γλωσσάρι

Κείμενο	Επεξήγηση	Ετυμ. Ρίζα
αναμεσά	ανάμεσα
βαθέα	βαθιά
γέλος	γέλιο, περίγελος
δά̤κρα̤	δάκρυα
εβγάλ’	βγάλει
εγαπέθεν	αγαπήθηκε
εγεννέθεν	γεννήθηκε
ενέσκαφτεν	βλαστημούσε, έβριζε
επόνεσεν	πόνεσε
εφώλευες	φώλιαζες, μτφ. τρύπωνες, χωνόσουν
εχάρεν	χάρηκε
εχόρτασεν	χόρτασε
θέλτς	θέλεις
’κ’	δεν	οὐκί<οὐχί
καν’νάν	κανέναν
καρδά̤ν	καρδιά
ους	ως, μέχρι
ποίος	(ερωτημ.) ποιός, (αναφ.αντων.) όποιος
σεβτά	αγάπη, έρωτας	sevda/sevdā
σεβταλή	ερωτοχτυπημένο, ερωτευμένο	sevdalı
σεβταλής	ερωτοχτυπημένος, ερωτευμένος	sevdalı
σπογγίζ’	σκουπίζω/ει
συντροφίαν	συντροφιά, παρέα
τέρτα̤	καημοί, βάσανα, στενοχώριες	dert
τίνος	ποιού;
φοράς	φορές
’φτάω	(ευτάω) κάνω, φτιάχνω	εὐθειάζω