Σ’ αλάτ’ αφκά μη κάθεσαι

Προβολή Τραγουδιού

Καλλιτέχνες: Νίκος Τσαλικίδης, Παναγιώτης Ασλανίδης

Σ’ αλάτ’ αφκά μη κάθεσαι
στάζ’νε τ’ αλατοκλάδι͜α
Χ̌υμίγ’ και τον κατέφορον
κι έλα ’μπα σην εγκάλια μ’

Κόρη, τα ζα ντ’ ερίαζες
τ’ έναν ακούει «Στεφάνα»
Μίαν κι άλλο ας εφίλ’να σε,
ύστερα ας επεθάν’να

Άι, τον Θεόν παρακαλώ
και τον Χριστόν δοξάζω
Πού να ’βρήκω σε μαναχόν,
φιλώ, φιλώ, χορτάζω!

Γλωσσάρι

Κείμενο	Επεξήγηση	Ετυμ. Ρίζα
αλάτ’	έλατο
αλατοκλάδι͜α	ελατόκλαδα
αφκά	κάτω
’βρήκω	(ευρήκω) βρίσκω
εγκάλια	αγκαλιά
επεθάν’να	πέθαινα
ερίαζες	πρόσεχες, φυλούσες, επέβλεπες
εφίλ’να	φιλούσα
ζα	ζώα
κατέφορον	κατήφορο
μαναχόν	(έναρθρο) μοναχός, μοναχό, (επίρρ) μόνο/μοναχά
μίαν	μια φορά
μίαν κι άλλο	άλλη μια φορά
’μπα	(έμπα) μπες
στάζ’νε	στάζουνε
χ̌υμίγ’	(προστ.) γλίστρησε προς τα κάτω, κατολίσθαινε	χύμα
χορτάζω	χορταίνω