Σεβτάν έχω, σεβτάν πουλώ

Προβολή Τραγουδιού

Καλλιτέχνες: Παναγιώτης Ασλανίδης, Χρήστος Χαραλαμπίδης

Σεβτάν έχω, σεβτάν πουλώ
και σεβταλής γυρίζω
Σεβτάν έχω σην καρδία μ’
και πώς θα ταγιανίζω;

Τη σεβταλή η καρδία
πώς έχ̌’ δύο αυλάκια! -ν
(Κι) ασ’ έναν τρέχ’νε αίματα -ν
κι ασ’ άλλο τα φαρμάκια -ν

Το σεβταλή τον άνθρωπον
εγώ πολλά λυπούμαι
Εδέβεν σο κιφαλόπο μ’
’κ’ επό’ρνα να κοιμούμαι

Ανάθεμά σε, νε σεβτά,
ας σο καρδόπο μ’ έβγα -ν
Τα χρόνια μ’ ετελείωσαν
κι εγώ την άκρα σ’ ’κ’ εύρα

Γλωσσάρι

Κείμενο	Επεξήγηση	Ετυμ. Ρίζα
άκρα	άκρη
ασ’	από
έβγα	(προστ.) βγες
εδέβεν	πήγε, διάβηκε, διέσχισε, ξεπέρασε	διαβαίνω
εύρα	βρήκα, (ιδιωμ. προστ.) βρες
έχ̌’	έχει
’κ’	δεν	οὐκί<οὐχί
καρδόπο	καρδούλα
κιφαλόπο	κεφαλάκι
κοιμούμαι	κοιμάμαι
λυπούμαι	λυπάμαι
πολλά	(επίθ.) πολλά, (επίρρ.) πολύ
σεβτά	αγάπη, έρωτας	sevda/sevdā
σεβταλή	ερωτοχτυπημένο, ερωτευμένο	sevdalı
σεβταλής	ερωτοχτυπημένος, ερωτευμένος	sevdalı
σεβτάν	αγάπη, έρωτα	sevda/sevdā
ταγιανίζω	αντέχω, βαστάω, υπομένω	dayanmak
τρέχ’νε	τρέχουν