’Πάρθεν η Ρωμανία

Προβολή Τραγουδιού

Καλλιτέχνες: Ευλαμπία Νικολαΐδου, Παναγιώτης Ασλανίδης

Ν’ αηλί εμάς, να βάι εμάς
οι Τούρκ’ την Πόλ’ επέραν
Επέραν το βασιλοσκάμ’,
ελλάεν η αφεντία

Μοιρολογούν τ’ εκκλησίας,
κλαίγ’νε τα μαναστήρι͜α
Κι ο Αγιάννες ο Χρυσόστομον
κλαίει, δερνοκοπάται

Μη κλαις, μη κλαις, Αγιάννε μου,
και μη δερνοκοπάσαι
Η Ρωμανία επέρασεν,
Η Ρωμανία επάρθεν
Η Ρωμανία αν ’πέρασεν
ανθεί και φέρει κι άλλο

Γλωσσάρι

Κείμενο	Επεξήγηση	Ετυμ. Ρίζα
αηλί	αλίμονο	ἀ- + μεσαιωνική ελληνική ἠλί < εβραϊκά אל (θεός)
αφεντία	διακυβέρνηση
βασιλοσκάμ’	θρόνος
δερνοκοπάσαι	δερνοκοπιέσαι
δερνοκοπάται	δερνοκοπιέται
ελλάεν	άλλαξε
επάρθεν	πάρθηκε, αλώθηκε
επέραν	πήραν
κλαίγ’νε	κλαίνε
μαναστήρι͜α	μοναστήρια
ν’ αηλί	αλίμονο	μεσαιων. ελλ. ἀλί<ἀ- + ἠλί (εβραϊκά אל)= θεός
Τούρκ’	Τούρκοι