Τ’ αρνόπο μ’ αραεύω

Εμάρανες τα γόνατα μ’,
[Ν’ αϊλί εμέν!]
έκαψες την καρδία μ’
[Έλα -ν- έλα / Πάτ’ και δέβα]
Εμάτσες με το σεβταλούκ’
[Ν’ αϊλί εμέν!]
να έ͜εις την αμαρτία μ’
[Έλα -ν- έλα / Πάτ’ και δέβα]

Θάλασσα, με τα κύματα
[Ν’ αϊλί εμέν!]
δος τ’ αρνόπο μ’ λαλίαν
[Έλα -ν- έλα / Πάτ’ και δέβα]
Πέτ’ ατο αναμέν’ ατο
[Ν’ αϊλί εμέν!]
μ’ ομμάτι͜α σεβταλία
[Έλα -ν- έλα / Πάτ’ και δέβα]

Θάλασσα, ’κι φοούμαι σε,
[Ν’ αϊλί εμέν!]
θα σ̌κίζω και δι͜αβαίνω
[Έλα -ν- έλα / Πάτ’ και δέβα]
Απέσ’ σα μαύρα κύματα σ’
[Ν’ αϊλί εμέν!]
τ’ αρνόπο μ’ αραεύω
[Έλα -ν- έλα / Πάτ’ και δέβα]