Χαμαίμηλον

Προβολή Τραγουδιού

Καλλιτέχνες: Αλεξάνδρα Ξενοδοχίδου, Γιώργος Γευγελής, Μιχάλης Καλιοντζίδης

Και ντ’ έπαθες, χαμαίμηλον,
και στέκεις μαρεμένον; [γιαρ]
Γιάμ’ η ρίζα σ’ εδίψασεν,
γιάμ’ ο καρπό σ’ ελλάεν; [γιαρ]

Νέ η ρίζα μ’ εδίψασεν
νέ ο καρπό μ’ ελλάεν [γιαρ]
Έναν παιδίν κι έναν κορίτσ’
ση ρίζα μ’ εφιλέθαν [γιαρ]

Εποίκαν όρκον κι όμνυσαν
να μ’ έχ’νε χωρισίαν [γιαρ]
Κι ατώρα εχωρίγανε
Γιάμ’ έχω εγώ το κρίμαν; [γιαρ]

Γλωσσάρι

Κείμενο	Επεξήγηση	Ετυμ. Ρίζα
ατώρα	τώρα
γιάμ’	μήπως, ή μη	ya/yā + μη
γιαρ	αγαπητός/ή/ό, αγάπη	yâr
ελλάεν	άλλαξε
εποίκαν	έκαναν, έφτιαξαν	ποιέω-ῶ
εφιλέθαν	φιλήθηκαν
έχ’νε	έχουνε
εχωρίγανε	χώρισαν, χωρίστηκαν
μαρεμένον	μαραμένο
νέ	ούτε	ne
όμνυσαν	ορκίστηκαν
χαμαίμηλον	κοντή μηλιά	χαμαί + μῆλον
χωρισίαν	χωρισμός, αποχωρισμός