Το μικρόν τ’ αρνί μ’

Προβολή Τραγουδιού

Καλλιτέχνες: Χρήστος Παπαδόπουλος, Χρήστος Χρυσανθόπουλος

Εγώ και το μικρόν τ’ αρνί μ’
τη νύχταν πορπατούμε
Κάθουμες ν’ αναπάουμες
και τ’ άστρα εμείς μετρούμε

Τ’ άστρα κι ο φέγγον χ̌αίρουνταν
κι εμάς χαρεντερίζ’νε
Την κάλη μ’ την παντέμορφον
κλίσκουν κα’ να φωτίζ’νε

Γλυκέα εγκαλιάσταμε,
χ̌αίρουμες και γελούμε
Πουλόπα, εμείς, εγένουμ’νες,
σον ουρανόν πετούμε

Παρακαλώ και λέγω εγώ,
να μη έρ’ται η μέρα
Μη φεύ’ ας σ’ εγκαλιόπο μου
τ’ εμόν η περιστέρα

Γλωσσάρι

Κείμενο	Επεξήγηση	Ετυμ. Ρίζα
αναπάουμες	αναπαυόμαστε, ξεκουραζόμαστε
ας σ’	(ας σου) από του, από τότε που/αφότου, (ας σο) από το/τα
γλυκέα	(επιρρ.) γλυκά
εγένουμ’νες	γίναμε
εγκαλιάσταμε	αγκαλιαστήκαμε
εγκαλιόπο	αγκαλίτσα
εμόν	δικός/ή/ό μου	ἐμοῦ
έρ’ται	έρχεται
κα’	κάτω
κάθουμες	καθόμαστε
κάλη	η αγαπητή σύζυγος, η σύζυγος
κλίσκουν	σκύβουν, κλίνουν
παντέμορφον	πανέμορφο/η
πορπατούμε	περπατάμε
πουλόπα	πουλάκια
φέγγον	φεγγάρι
φεύ’	φεύγει
φωτίζ’νε	φωτίζουν, βαφτίζουν
χ̌αίρουμες	χαιρόμαστε
χ̌αίρουνταν	χαίρονται
χαρεντερίζ’νε	χαροποιούν, ψυχαγωγούν