Τ’ αγγείον πρώτα έλεεν

Προβολή Τραγουδιού

Καλλιτέχνες: Γιάννης Αραματανίδης, Γιώργος Αμαραντίδης

Τ’ αγγείον πρώτα -ν- έλεεν
«κορκότα κι αλευρόπα»
κι ατώρα κελαηδεί και λέει
«κορτσόπα και νυφόπα»

Τ’ αγγείον πρώτα -ν- έλεεν
«βόσκουμαι χορταρόπα»
κι ατώρα παίζ’ και κελαηδεί
απέσ’ και σα κορτσόπα

Γουρπάν’ εγώ να ’ίνουμαι
σα δύο τα τσιμπόνια
Γιάννε, ’ς σ’ εσά τα δάχτυλα
κελαηδούνε -ν- αηδόνια
Αραματά σα δάχτυλα σ’
κελαηδούνε -ν- αηδόνια

Γιάννε μ’, τ’ αγγείο σ’ κελαηδεί
κι εγώ χ̌ελιδονίζω
Κορτσόπα, εμπάτε σον χορόν
εσάς να ποδεδίζω

Εμέναν Χ̌ιμούλ’ λέγ’νε με
τ’ όνομα μ’ έν’ Γιωρίκα
Ας σ’ ομματί’ μ’ το τέρεμαν
ντο λέγω σε -ν- εγροίκα

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
ας σ’	(ας σου) από του, από τότε που/αφότου, (ας σο) από το/τα
ατώρα	τώρα
γουρπάν’	θυσία	kurban/ḳurbān
εγροίκα	κατάλαβε
έλεεν	έλεγε
έν’	είναι
εσά	δικά σου/σας
’ίνουμαι	γίνομαι
κορτσόπα	κοριτσάκια
λέγ’νε	λένε
να ποδεδίζω	να χαρώ κπ
νυφόπα	νυφούλες
ομματί’	ματιού
ποδεδίζω	(ενεργ. και μέση) χαίρομαι, απολαμβάνω, προσκυνώ	από+δέδιν (<δείδω=φοβάμαι, ανησυχώ)
’ς	(ας) από
τέρεμαν	βλέμμα, κοίταγμα, μτφ. φροντίδα
τσιμπόνια	τα καλάμια (γλωσσίδια) που στερεώνονται πάνω στο αγγόξυλα και τα οποία παλλόμενα παράγουν ήχο	zampogna<συμφωνία
χ̌ελιδονίζω	κελαηδώ σαν χελιδόνι
χορταρόπα	χορταράκια