Πάει ομάλα, πάει και τίκια

Προβολή Τραγουδιού

Καλλιτέχνες: Χρήστος Παπαδόπουλος, Χρήστος Χρυσανθόπουλος

Απάν’ σα παρχαρόχορτα
χτισμένα καλυβόπα
Αδά κι εκεί πα βόσκουνταν
μουσκάρι͜α και χτηνόπα

Άμε, μάνα, άμε, μάνα
Άμε κι αλήγορα δέβα
Τη θάλασσαν στράταν ποίσον
τη νύφεν έπαρ’ κι έλα

Τα καλύβα̤ λιθόχτιστα
χαρτώματα το στέβος
και παρχαρέτ’σσα έντονε
το γιαβρόπο μ’ οφέτος

Πάει ομάλα̤, πάει ομάλα̤
τ’ ορταρόπα τ’ς αρνομάλλι͜α
Πάει ομάλα̤, πάει και τίκια
τ’ ορταρόπα τ’ς είν’ τιφτίκια

Τα χτήνα̤ εξέβαν σον παρχάρ’
θ’ αλμέ͜ει η παρχαρέτ’σσα
Γουρπάν’ ατ’ς, ποδεδίζ’ ατεν
ατέ έτον Σαντέτ’σσα

Πάει ομάλα̤, πάει ομάλα̤
τ’ ορταρόπα τ’ς αρνομάλλι͜α
Πάει ομάλα̤, πάει και τίκια
τ’ ορταρόπα τ’ς είν’ τιφτίκια

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
αλήγορα	γρήγορα
αλμέ͜ει	αρμέγει
άμε	(προστ.) σύρε, πήγαινε
απάν’	πάνω
αρνομάλλι͜α	μαλλί αρνιού
ατέ	αυτή
ατεν	αυτήν
ατ’ς	αυτής, της
βόσκουνταν	βοσκούν
γιαβρόπο	μωράκι, μικρούλι, παιδάκι	yavru + -όπον
γουρπάν’	θυσία	kurban/ḳurbān
δέβα	(προστ.) πήγαινε
είν’	(για πληθ.) είναι
έντονε	έγινε
εξέβαν	βγήκαν
έπαρ’	(προστ.) πάρε
έτον	ήταν
καλυβόπα	(υποκορ.) καλύβες
μουσκάρι͜α	μοσχάρια
νύφεν	νύφη
ομάλα̤	(επιρρ.) ομαλά, ευθεία, πεδιάδες, ίσια
ορταρόπα	(υποκορ.) μάλλινες κάλτσες	ἀορτήρ
οφέτος	φέτος
πα	πάλι, επίσης, ακόμα
παρχάρ’	ορεινός τόπος θερινής βοσκής
παρχαρέτ’σσα	η γυναίκα που είναι επιφορτισμένη με τις δουλειές του παρχαριού (ορεινού τόπου θερινής βοσκής)
παρχαρόχορτα	χόρτα του παρχαριού
ποδεδίζ’	(ενεργ. και μέση) χαίρομαι/εσαι, απολαμβάνω/ει, προσκυνώ/άει	από+δέδιν (<δείδω=φοβάμαι, ανησυχώ)
ποίσον	(προστ.) κάνε, φτιάξε	ποιέω, ποιῶ
στέβος	στέγη, σκεπή
τίκια	στητά	dik
τιφτίκια	μοχέρ, ύφασμα από μαλλί αίγας	tiftik/teftīk
χαρτώματα	λεπτά φύλλα σανιδιών ειδικά για την στέγη
χτήνα̤	αγελάδες
χτηνόπα	αγελαδίτσες