Εμέν θα στείλτς σον θάνατον

Προβολή Τραγουδιού

Καλλιτέχνες: Βασίλης Μιχαηλίδης, Νίκος Δημητριάδης

Εθά̤ρρεσες γολάι έτον
να ζεις μετ’ έναν νέον
Εμέν αφήντς τον άχαρον,
πασ̌τάν εποίκες γέρον

Τα λόγια όλι͜α ντο είπες με
θα κλώσκουνταν απάν’ ι-σ’
και θ’ αραεύ’ς συχώρεσην,
αρνόπο μ’, για το χάλι σ’

Πολλά τσ̌ατίν, μικρόν αρνί μ’,
η στράτα ντο επέρες
Θα πουσ̌μανεύ’ς τα υστερνά
εμέναν ντ’ επιδέβες

Τ’ ονέρ’τα ντ’ είχ̌ες σο κιφάλ’
θα φεύ’νε όλι͜α μίαν
Εμέν θα στείλτς σον θάνατον,
εσέν σην ερημίαν

Γλωσσάρι

Κείμενο	Επεξήγηση	Ετυμ. Ρίζα
απάν’	πάνω
αραεύ’ς	ψάχνεις, αναζητάς, γυρεύεις	aramak
αρνόπο	αρνάκι, χαϊδευτική προσφώνηση γυναίκας
αφήντς	αφήνεις
γολάι	εύκολο	kolay
επέρες	πήρες
επιδέβες	έφυγες, άφησες πίσω, προσπέρασες, ξεπέρασες
εποίκες	έκανες, έφτιαξες	ποιέω-ῶ
έτον	ήταν
θάνατον	θάνατος
κιφάλ’	κεφάλι
κλώσκουνταν	γυρίζουν, επιστρέφουν
μετ’	μαζί με (με αιτιατική), με (τρόπος)
μίαν	μια φορά
ονέρ’τα	όνειρα
πασ̌τάν	ολωσδιόλου, εντελώς	baştan
πολλά	(επίθ.) πολλά, (επίρρ.) πολύ
πουσ̌μανεύ’ς	μετανιώνεις	pişman olmak<paşmān
στείλτς	στέλνεις
τσ̌ατίν	σκληρό, δύσκολο	çetin
υστερνά	κατοπινά, τελευταία
φεύ’νε	φεύγουν