Τη Τρίχας το γεφύριν

Προβολή Τραγουδιού

Καλλιτέχνες: Μιχάλης Κουρτίδης, Νίκος Δημητριάδης

Ση γέφυραν, ση γέφυραν,
[Έλα, Δάφνε μ’ ποταμέ!]
ση Τρίχας το γεφύριν
[Ε! Δάφνε μ’ και μυριγμένε]
Χ̌ίλι͜οι μαστόροι έχτιζαν
[Έλα, Δάφνε μ’ ποταμέ!]
και μύριοι μαθητάδες
[Ε! Δάφνε μ’ και μυριγμένε]

Όλιον τη μέραν έχτιζαν,
[Έλα, Δάφνε μ’ ποταμέ!]
το βράδον εχαλάουτον
[Ε! Δάφνε μ’ και μυριγμένε]
-Ντό δί’ς με, πρωτομάστορα
[Έλα, Δάφνε μ’ ποταμέ!]
να στένω το γεφύρι σ’;
[Ε! Δάφνε μ’ και μυριγμένε]

Αν δίγω σε τη μάνα μου,
[Έλα, Δάφνε μ’ ποταμέ!]
άλλο μανίτσαν ’κ’ έχω
[Ε! Δάφνε μ’ και μυριγμένε]
Θα δίγω σε την κάλη μου,
[Έλα, Δάφνε μ’ ποταμέ!]
καλύτερον θ’ ευρήκω!
[Ε! Δάφνε μ’ και μυριγμένε]

Γλωσσάρι

Κείμενο	Επεξήγηση	Ετυμ. Ρίζα
βράδον	βράδυ
δίγω	δίνω
δί’ς	δίνεις
ευρήκω	βρίσκω
εχαλάουτον	γκρεμιζόταν, χαλιόταν
’κ’	δεν	οὐκί<οὐχί
κάλη	η αγαπητή σύζυγος, η σύζυγος
μυριγμένε	ευωδιαστέ
όλιον	όλο, ολόκληρο
στένω	στήνω