Ποντιακός Στίχος

Προβολή Τραγουδιού

Κατεβάστε τους στίχους σε PDF

Αητέντς επεριπέτανεν

Τη ψ̌ης ι-μ’ τοξαρέαςΤη ψ̌ης ι-μ’ τοξαρέας

Στιχουργοί: Παραδοσιακό

Συνθέτες: Παραδοσιακό

Καλλιτέχνες: Βασίλης Τοπαλίδης, Νίκος Δημητριάδης


Αητέντς επεριπέτανεν
ψηλά σα επουράνι͜α
[Ούι! Αμάν! Αμάν! (x2)]
και τα τσ̌αγγία τ’ κόκκινα
και το τσ̌αρκούλ’ν ατ’ μαύρον
[Ούι! Αμάν! Αμάν! (x2)]
Κι εβάστανεν σα κάρτζ̌ι͜α του
παλληκαρί’ βραχ̌ιόναν
[Ούι! Αμάν! Αμάν! (x2)]

-Αητέ μ’, για δος με ας σο κρατείς
για πέει με όθεν κείται
[Ούι! Αμάν! Αμάν! (x2)]

-Ας σο κρατώ ’κι δίγω σε,
αρ’ όθεν κείται, λέγω
[Ούι! Αμάν! Αμάν! (x2)]
Ακεί σο πέραν το ραχ̌ίν,
σ’ αλάτι͜α επεκεί μέρος
[Ούι! Αμάν! Αμάν! (x2)]
Τραντέλλεναν εσκότωσαν
και κείται ματωμένος
[Ούι! Αμάν! Αμάν! (x2)]
Μαύρα πουλία τρώγ’ν’ ατον
και άσπρα τριγυλίσκουν
[Ούι! Αμάν! Αμάν! (x2)]

-Φατέστεν, πουλία μ’, φατέστεν!
Φατέστεν τον καρίπην
[Ούι! Αμάν! Αμάν! (x2)]
Ση θάλασσαν κολυμπετής,
σ’ ομάλια πεχλιβάνος
[Ούι! Αμάν! Αμάν! (x2)]
Σον πόλεμον Τρισέλλενος,
Ρωμαίικον παλληκάριν!
[Ούι! Αμάν! Αμάν! (x2)]
Γλωσσάρι
ΚείμενοΕπεξήγησηΕτυμ. ΡίζαΠροέλευση
αητέντςαητός
ακείεκεί
αλάτι͜αέλατα
δίγωδίνω
δοςδώσε
επεκείαπό εκεί, από τότε, ύστερα, κατόπιν
επεριπέτανενπετούσε γύρω
καρίπηνξένο, μοναχικό, φτωχό, ανήμπορο garip/ġarīb
κάρτζ̌ι͜ανύχια kanca<ganzo (βενετ.)<γαμψός ή ganskyos=κλαδί (πρωτοκελτικά)
κείταικείτεται, ξαπλώνει
’κιδεν οὐκί<οὐχί
κολυμπετήςκολυμβητής
όθενόπου, οπουδήποτε, σε όποιον
ομάλιαομαλοί δρόμοι, ευθείες, πεδιάδες, ομαλά (επίρρ)
πέειπες (προστ.)
πεχλιβάνοςκυρ. παλαιστής, μτφ. παλληκάρι, ανδρειωμένος pehlivan/pehlevān
ραχ̌ίνβουνό, ράχη
ρωμαίικοναυτό που είναι των Ρωμιών
Τραντέλλεναντριάντα φορές Έλληνα
τριγυλίσκουντριγυρίζουν, περιτριγυρίζουν
τρώγ’ν’τρώνε
τσ̌αγγίαείδος μαλακού περσικού (παρθικού) υποδήματος από τη βυζαντινή περίοδο και εξής, το οποίο αναφερόταν σε υπόδημα ψηλό μέχρι τα γόνατα (μπότα) από ερυθρό δέρμα που προσαρμοζόταν στην κνήμη με κορδόνια τζάγγα/τζαγγή ή τζαγγίον/zanca~zanga
τσ̌αρκούλ’νγυναικεία καλύπτρα, λειρί πτηνού
φατέστενφάτε (προστ.)

Ποντιακός Στίχος - Pontian Lyrics 2024

Τραγούδια: 8042 | Albums/Singles: 1260 | Συντελεστές: 1652 | Λήμματα: 14387
Επικοινωνία: infoDUMMY@pontianlyrics.gr