Προβολή Τραγουδιού
Σεράντα μήλα |
Τη ψ̌ης ι-μ’ τοξαρέαςΣτιχουργοί: Παραδοσιακό
Συνθέτες: Παραδοσιακό
Καλλιτέχνες: Κώστας Καραπαναγιωτίδης, Νίκος Δημητριάδης
Σεράντα μήλα κόκκινα [πουλί μ’/γιαβρί μ’] σ’ έναν μαντίλ’ δεμένα Σεράντα σέβντας κι αν ευτάς [πουλί μ’/γιαβρί μ’] ’κ’ ευρήκ’ς άμον εμέναν Για έλα, έλα πουλί μ’! Μετ’ εμέν έλα, γιαβρί μ’! Ατό τ’ ομματοτέρεμα σ’, πουλί μ’, θα σύρ’ και παίρ’ τ’ αχούλι μ’ Σεράντα μήλα κόκκινα [πουλί μ’/γιαβρί μ’] δεμένα σα μαντίλι͜α Κανέναν ’κ’ έτον κόκκινον [πουλί μ’/γιαβρί μ’] άμον τ’ εσά τα χ̌είλι͜α Για έλα, έλα πουλί μ’! Μετ’ εμέν έλα, γιαβρί μ’! Ατό τ’ ομματοτέρεμα σ’, πουλί μ’, θα σύρ’ και παίρ’ τ’ αχούλι μ’ Σεράντα μήλα κόκκινα [πουλί μ’/γιαβρί μ’] ση σειράν τιζεμένα Έπαρ’, αρνί μ’, και τη στράταν [πουλί μ’/γιαβρί μ’] ντο θα φέρ’ -τ- σε σ’ εμένα Για έλα, έλα πουλί μ’! Μετ’ εμέν έλα, γιαβρί μ’! Ατό τ’ ομματοτέρεμα σ’, πουλί μ’, θα σύρ’ και παίρ’ τ’ αχούλι μ’
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| άμον | σαν, όπως, καθώς | ἅμα | |
| αχούλι | μυαλό | akıl/ʿaḳl | |
| γιαβρί | μωρό, μικρό, παιδί | yavru | |
| έπαρ’ | (προστ.) πάρε | ||
| εσά | δικά σου/σας | ||
| έτον | ήταν | ||
| ευρήκ’ς | βρίσκεις | ||
| ευτάς | κάνεις, φτιάχνεις | εὐθειάζω | |
| ’κ’ | δεν | οὐκί<οὐχί | |
| μετ’ | μαζί με (με αιτιατική), με (τρόπος) | ||
| ομματοτέρεμα | βλέμμα, ματιά | ||
| παίρ’ | παίρνω/ει | ||
| σέβντας | (πληθ. τα) αγάπες, έρωτες | sevda/sevdā | |
| σεράντα | σαράντα | ||
| σύρ’ | σύρω/ει, τραβάω/ει, ρίχνω/ει | ||
| τιζεμένα | αραδιασμένα, βαλμένα στη σειρά | dizmek | |
| φέρ’ | φέρνω/ει |
