Κάθουμαι αναμέν’ ατεν

Κάθουμαι αναμέν’ ατεν [ν’ αϊλί εμέν!]
απόθεν θα κονεύει [έλα -ν- έλα]
Φοβούμαι ενέσπαλεν την κλώσ’ [ν’ αϊλί εμέν!]
κι εμέναν αραεύει [έλα -ν- έλα]

Έχ̌’ κι έρ’ται ο καλόκαιρον, [ν’ αϊλί εμέν!]
τα χ̌ι͜όνι͜α πα ελύαν [έλα -ν- έλα]
Τ’ αρνί μ’ πουθέν ’κι φαίνεται, [ν’ αϊλί εμέν!]
’κι θα έρ’ται καμίαν [έλα -ν- έλα]

Τιδέν ’κ’ επέμ’νεν να ευτάω [ν’ αϊλί εμέν!]
ολίγον για να τσ̌ίζ’ με [έλα -ν- έλα]
Ζαέρ κακόν εποίκα ’τεν [ν’ αϊλί εμέν!]
κι ατέ θέλ’ να κλαινίζ’ με [έλα -ν- έλα]

Λόγον να λέγω ’κ’ επορώ [ν’ αϊλί εμέν!]
την ψ̌ή μ’ ν’ απονεγκάζω [έλα -ν- έλα]
Ας κουρταρεύ’ με ο Θεόν [ν’ αϊλί εμέν!]
και άντζ̌ακς ησυχάζω [έλα -ν- έλα]