Προβολή Τραγουδιού
Τα χ̌είλια σ’ με το γέλος |

Στιχουργοί: Γιάννης Γκόσιος
Συνθέτες: Μίλτος Κυριλλίδης
Καλλιτέχνες: Μίλτος Κυριλλίδης, Νικόλας Πετρίδης, Χάρης Παπαδόπουλος
Έναν πουρνόν εγνώρτσα σε, παντέμορφος τρυγόνα μ’ Έντονε χ̌ειμωγκόντς καιρός, ’πέμ’νεν σο νου μ’ εικόνα Τα χ̌είλια σ’ με το γέλος, τα τέρτι͜α μ’ ’κ’ έχ’νε τέλος Απέσ’ σην ψ̌η σ’ εμέναν θέκ’ς, ατσ̌ά θ’ ευρήκ’ς το μέρος; Ας σ’ ομμάτι͜α μ’ αν έλεπες θ’ εγροίκανες ντο είσαι Κι άλλο ’κι θ’ εδελι͜άουσ’νε σ’ εγκαλιόπο μ’ να κείσαι Τα χ̌είλια σ’ με το γέλος, τα τέρτι͜α μ’ ’κ’ έχ’νε τέλος Απέσ’ σην ψ̌η σ’ εμέναν θέκ’ς, ατσ̌ά θ’ ευρήκ’ς το μέρος; Τ’ εσόν η σεβντά τυραννίζ’ κι άρ’ άμον κάμαν σ̌κίζ’ με Σ’ ονέρ’τα μόνον χ̌αίρουμαι και την εγάπ’ σ’ χαρί͜εις με Τα χ̌είλια σ’ με το γέλος, τα τέρτι͜α μ’ ’κ’ έχ’νε τέλος Απέσ’ σην ψ̌η σ’ εμέναν θέκ’ς, ατσ̌ά θ’ ευρήκ’ς το μέρος;
Κείμενο | Επεξήγηση | Ετυμ. Ρίζα | Προέλευση |
---|---|---|---|
άμον | σαν, όπως, καθώς | ἅμα | |
απέσ’ | μέσα | ||
ας σ’ | (ας σου) από του, από τότε που/αφότου, (ας σο) από το/τα | ||
ατσ̌ά | άραγε | acep/ʿaceb | |
γέλος | γέλιο, περίγελος | ||
εγάπ’ | αγάπη | ||
εγκαλιόπο | αγκαλίτσα | ||
εγνώρτσα | γνώρισα | ||
έλεπες | έβλεπες | ||
έντονε | έγινε | ||
εσόν | δικός/ή/ό σου | ||
ευρήκ’ς | βρίσκεις | ||
έχ’νε | έχουνε | ||
θέκ’ς | θέτεις, ακουμπάς | ||
’κ’ | δεν | οὐκί<οὐχί | |
κάμαν | δίκοπο μαχαίρι | kama | |
κείσαι | κείτεσαι, ξαπλώνεις | ||
’κι | δεν | οὐκί<οὐχί | |
ομμάτι͜α | μάτια | ||
ονέρ’τα | όνειρα | ||
παντέμορφος | πανέμορφη | ||
’πέμ’νεν | (επέμ’νεν) απόμεινε | ||
πουρνόν | πρωί, πρωινό, επαύριον | ||
σεβντά | αγάπη, έρωτας | sevda/sevdā | |
σ̌κίζ’ | σκίζω/ει | ||
τέρτι͜α | καημοί, βάσανα, στενοχώριες | dert | |
τρυγόνα | το πουλί τρυγόνι, χαϊδευτική προσφώνηση γυναίκας | ||
τυραννίζ’ | τυραννάει, ταλαιπωρεί | ||
χ̌αίρουμαι | χαίρομαι | ||
χ̌ειμωγκόντς | χειμώνας | ||
χαρί͜εις | χαρίζεις | ||
ψ̌η | ψυχή |