Προβολή Τραγουδιού
Φιλίτικον |

Στιχουργοί: Γιώργος Αμαραντίδης
Συνθέτες: Γιώργος Αμαραντίδης
Καλλιτέχνες: Γιάννης Αραματανίδης, Γιώργος Αμαραντίδης
Φιλίτικον, μικρίτικον, νασάν που απαντά σε Ατουπέσ’ σα στομόχ̌ειλα φιλεί, φιλεί χορτά͜ει σε Φιλίτικον, μικρίτικον, μικρόν τσ̌οβαχερόπον Να είχα και να εφίλ’να σε σ’ έναν ισίζ’κον τόπον Φιλίτικον, μικρίτικον, τ’ εμόν μελιτωμένον Ας σ’ άσπρα κι ας σα κόκκινα είσαι τονατεμένον Φιλίτικον, μικρίτικον, μικρόν κρουσταλλιδόπον Απόθεν κέσ’ θα έρχουμαι και σ’ εσόν τ’ εγκαλιόπον; Φιλίτικον, μικρίτικον, οφρυδοπογιαλίσσα Για τ’ εσέν θα σκοτών’νε με, θα ’ίνεσαι κανλίσσα
Κείμενο | Επεξήγηση | Ετυμ. Ρίζα | Προέλευση |
---|---|---|---|
απαντά | απαντάει, συναντάει τυχαία | ||
απόθεν | από που, από όπου | ||
ας σ’ | (ας σου) από του, από τότε που/αφότου, (ας σο) από το/τα | ||
ατουπέσ’ | εκεί μέσα | ατού+απέσ' | |
εγκαλιόπον | αγκαλιά, αγκαλίτσα | ||
εμόν | δικός/ή/ό μου | ἐμοῦ | |
έρχουμαι | έρχομαι | ||
εσόν | δικός/ή/ό σου | ||
εφίλ’να | φιλούσα | ||
’ίνεσαι | γίνεσαι | ||
ισίζ’κον | ερημικό, απομονωμένο | ıssız | |
κανλίσσα | φόνισσα, αιματοβαμμένη. αιμοβόρα | kanlı | |
κέσ’ | εκεί μέσα, προς τα εκεί | κέσου<κεῖσ’<κεῖσε<ἐκεῖσε | |
κρουσταλλιδόπον | κρυσταλλάκι, διαυγές (σαν κρύσταλλο) | ||
μελιτωμένον | μελωμένο | ||
μικρίτικον | μικρούλικο/α | ||
νασάν | χαρά σε | ||
οφρυδοπογιαλίσσα | αυτή που έχει βαμμένα φρύδια | οφρύδ'+πογιαλίσσα (boyali) | |
σκοτών’νε | σκοτώνουν | ||
στομόχ̌ειλα | τα χείλια του στόματος | ||
τονατεμένον | διακοσμημένο, στολισμένο, (για τραπέζι) στρωμένο μεγαλοπρεπώς, καλλωπισμένο | donatma | |
τσ̌οβαχερόπον | πολύτιμο πετραδάκι, διαμαντάκι | cevahir/cevāhir | |
φιλίτικον | αξιοφίλητο | ||
χορτά͜ει | χορτάζει |