Ποντιακός Στίχος

Προβολή Τραγουδιού

Κατεβάστε τους στίχους σε PDF

Το τρένον τ’ αποχωρισμού

ΞενιτείαΞενιτεία

Στιχουργοί: Γιάννης Φλωρινιώτης

Συνθέτες: Γιάννης Φλωρινιώτης

Καλλιτέχνες: Άκης Παπαδόπουλος, Βέφα Μιχαηλίδου, Γιάννης Γεωργιάδης, Γιάννης Φλωρινιώτης, Στ. Εφραιμίδης, Χορωδία


Τρένον, εστά, μ’ αγληγορείς
να ελέπω ατείντς π’ αφήνω
Τ’ έμορφον το χωρίον εμουν
π’ αφήν’ ατο και φύουμαι
και μαύρα δάκρυ͜α ’κχ̌ύνω

Τρένον, εστά, πολλά μη τρέ͜εις
να ελέπω αλλομίαν
τα γονι͜ακά μ’, τοι συγγενούς
που χ̌αιρετούνε με και κλαίν’
με μαύρον τη καρδίαν

Ούλ’ φύουμες κι η καρδι͜ά μουν
πονεί π’ αποχωρίουμες
Μάνα, πατέρα, συγγενείς
κλαίμε εντάμαν ατείν’ κι εμείς
Φογούμες γιάμ’ ξαν
’κ’ επορεί καμίαν να ευρίουμες

Τρένον, εστά, μ’ αγληγορείς
ολίγον ν’ αγναντεύω
τα δα̤κρόπα τη μάνας ι-μ’
που κλαίει και φτουλίεται
π’ αφήν’ ατεν και φεύω

Τρένον, μη τρέ͜εις πολλά και πας,
εστά μίαν ολίγον
να ’λέπω ξαν τα μέρι͜α μου
να δα̤κρούμαι ας σο έζησα
και δέβα πλαν και φύγον

Ούλ’ φύουμες κι η καρδι͜ά μουν
πονεί π’ αποχωρίουμες
Μάνα, πατέρα, συγγενείς
κλαίμε εντάμαν ατείν’ κι εμείς
Φογούμες γιάμ’ ξαν
’κ’ επορεί καμίαν να ευρίουμες

Τρένον, εστά να χαιρετώ
ξαν τ’ εμόν τον πατέρα
και το κορίτσ’ που αγαπώ
Και ους να κλώσκουμαι οπίσ’
θα κλαίει νύχταν κι ημέραν

Τρένον, εστά μ’ αγληγορείς
να ’κχ̌ύνω κι άλλα δά̤κρα̤
π’ αφήνω οπίσ’ γαρή, μωρά
Π’ αφήν’ ατα και φύουμαι
μακρά σα θαλασσάκρα̤

Ούλ’ φύουμες κι η καρδι͜ά μουν
πονεί π’ αποχωρίουμες
Μάνα, πατέρα, συγγενείς
κλαίμε εντάμαν ατείν’ κι εμείς
Φογούμες γιάμ’ ξαν
’κ’ επορεί καμίαν να ευρίουμες
Γλωσσάρι
ΚείμενοΕπεξήγησηΕτυμ. ΡίζαΠροέλευση
αγληγορείςβιάζεσαι
αλλομίανάλλη μια φορά
αποχωρίουμεςαποχωριζόμαστε
ατααυτά
ατείν’αυτοί
ατείντςαυτούς
ατεναυτήν
αφήν’αφήνει
γαρήσύζυγος, γυναίκα karı
γιάμ’μήπως, ή μη ya/yā + μη
γονι͜ακάγονείς
δά̤κρα̤δάκρυα
δα̤κρόπα(υποκορ.) δάκρυα
δα̤κρούμαιδακρύζω
δέβα(προστ.) πήγαινε
ελέπωβλέπω
εμόνδικός/ή/ό μου ἐμοῦ
έμορφονόμορφο
εμουνμας
εντάμανμαζί
επορείμπορεί
εστά(προστ.) στάσου
ευρίουμεςβρισκόμαστε
θαλασσάκρα̤οι ακροθαλασσιές, τα ακρογιάλια
’κ’δεν οὐκί<οὐχί
καμίανποτέ
κλώσκουμαιγυρίζω, επιστρέφω
’κχ̌ύνωεκχύνω, χύνω, εκβάλλω εκχύνω<ἐγχέω< ἐν + χέω
’λέπω(ελέπω) βλέπω
μακρά(επιρρ.) μακριά, (επιθ.) μακρινά, απομακρυσμένα
μέρι͜αμέρη
μίανμια φορά
μουνμας
ξανπάλι, ξανά
ολίγονλίγο
οπίσ’πίσω
ούλ’όλοι
ουςως, μέχρι
πολλά(επίθ.) πολλά, (επίρρ.) πολύ
συγγενούςσυγγενείς
τοιτους/τις
τρέ͜ειςτρέχεις
φεύωφεύγω
φογούμεςφοβόμαστε
φτουλίεταιμαδιέται, τραβά τα μαλλιά του, ξεπουπουλιάζεται πτίλον
φύγον(προστ.) φύγε
φύουμαιφεύγω
φύουμεςφεύγουμε

Ποντιακός Στίχος - Pontian Lyrics 2025

Τραγούδια: 9665 | Albums/Singles: 1749 | Συντελεστές: 2000 | Λήμματα: 15822
Επικοινωνία: infoDUMMY@pontianlyrics.gr