Είσαι το γιαβρίν τ’ εμόν

Για τ’ εσέν που αγαπώ 
παλαλά θα ’φτάω εγώ [παλαλά]
Παλαλά θα ’φτάω εγώ
για τ’ εσέν που αγαπώ 

Είσαι το γιαβρίν τ’ εμόν [όι τ’ εμόν]
κι εγώ είμαι η ψ̌η τ’ εσόν [όι τ’ εσόν]

Τ’ ομματόπα σ’ να τερώ,
τα χ̌ειλόπα σ’ να φιλώ [να φιλώ]
Τα μεσόπα σ’ να κρατώ,
τ’ ομματόπα σ’ να τερώ

Είσαι το γιαβρίν τ’ εμόν [όι τ’ εμόν]
κι εγώ είμαι η ψ̌η τ’ εσόν [όι τ’ εσόν]

Έλα, έλα μετ’ εμέν
μη σκοτούμαι εγώ για εσέν [για τ’ εσέν]
Μη σκοτούμαι εγώ για εσέν
έλα, έλα μετ’ εμέν

Την καρδία σ’ δος εμέν [δος εμέν]
έλα, έλα μετ’ εμέν [μετ’ εμέν] 

Την καρδία σ’ δος εμέν [δος εμέν]
έλα, έλα μετ’ εμέν [μετ’ εμέν]