Εσύ είσαι κρύον νερόν

Προβολή Τραγουδιού

Στο δρόμο της παράδοσης | Τραγούδια του Ανατολικού Πόντου

Καλλιτέχνες: Νικόλαος Παπαδόπουλος, Χρήστος Καλιοντζίδης

Εσύ είσαι κρύον νερόν
κι εγώ ο διψασμένον
Νασάν που κείται μετ’ εσέν
και σ’κούται νυσταγμένον

Ήλιος ας σην ανατολήν
είδε σε κι εφοέθεν
Ατός ατόσον ’κ’ έλαμψεν
την ώρα ντ’ εγεννέθεν

Κορτσόπον, πέ’ με τ’ όνεμα σ’,
για/και πέ’ με τίνος είσαι;
Και δείξον με τ’ οσπιτόπο σ’
και την οντάν ντο κείσαι

Η καρδι͜ά μ’ ετσ̌ουρούεψεν,
εέντον δύο αυλάκια
Ας σ’ έναν τρέχ’νε τ’ αίματα,
κι ας σ’ άλλο τα φαρμάκια

Γλωσσάρι

Κείμενο	Επεξήγηση	Ετυμ. Ρίζα
ας σ’	(ας σου) από του, από τότε που/αφότου, (ας σο) από το/τα
ατός	αυτός
ατόσον	τόσο
δείξον	(προστ.) δείξε
εγεννέθεν	γεννήθηκε
εέντον	έγινε
ετσ̌ουρούεψεν	σάπισε, αποσυντέθηκε, φθάρθηκε	çürümek
εφοέθεν	φοβήθηκε
’κ’	δεν	οὐκί<οὐχί
κείσαι	κείτεσαι, ξαπλώνεις
κείται	κείτεται, ξαπλώνει
κορτσόπον	κοριτσάκι
μετ’	μαζί με (με αιτιατική), με (τρόπος)
νασάν	χαρά σε
όνεμα	όνομα
οντάν	δωμάτιο	oda
οσπιτόπο	σπιτάκι	hospitium<hospes + -όπον
πέ’	(προστ.) πες
σ’κούται	σηκώνεται
τίνος	ποιού;
τρέχ’νε	τρέχουν