Δεντρόπα πρασινόφυλλα

Προβολή Τραγουδιού

Δενδρόπα πρασινόφυλλα,
ποίστεν εμέν εβόραν
Ας σον ήλιον κρυψέστε με
εσείς αδά σην ώραν

Ίσα τ’ ελάτι͜α τα ψηλά,
πάντα χλωροφοράτεν!
Δι͜αβαίν’νε χρόνι͜α και καιρούς
σ’ έναν τόπον γεράτεν 

Ραχ̌ι͜ά και ραχ̌οκέφαλα,
σα λίβι͜α απέσ’ κρυμμένα
Ανοίξτε σεβνταλίν ταφίν,
βάλτεν απέσ’ εμέναν

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
απέσ’	μέσα
γεράτεν	γερνάτε
δι͜αβαίν’νε	(για τόπο) περνούν, διασχίζουν, (για χρόνο) περνούν (γενικότερα) περνούν, παύουν, τελειώνουν	διαβαίνω
εβόραν	σκιά
ελάτι͜α	έλατα
κρυψέστε	(προστ.) κρύψτε
λίβι͜α	σύννεφα	λίβος<λείβω
ποίστεν	(προστ.) κάντε, φτιάξτε	ποιέω-ῶ
ραχ̌ι͜ά	ράχες, βουνά
ραχ̌οκέφαλα	κορφές βουνών
σεβνταλίν	ερωτοχτυπημένη/ο, ερωτευμένη/ο, ερωτικό	sevdalı
ταφίν	τάφος
χλωροφοράτεν	είστε γεμάτα χλωρίδα, είστε καταπράσινα