Ο Θεόν ξάι ’κ’ εγούεψεν

Προβολή Τραγουδιού

Καλλιτέχνες: Γιώργος Σιδηρόπουλος, Κώστας Σιώπης, Φάνης Κουρουκλίδης

Ο Θεόν ξάι ’κ’ εγούεψεν
εμάς τα παλληκάρι͜α
Εποίκε σε χ̌ιλέμορφον
πάντα να κάφτ’ς τσ̌ικάρι͜α

Ση χαρά σ’ μη καλείς μας -ε
να μη κλαινί͜εις κανέναν
Καρσ̌ού σ’ θα έ͜εις είκοσ’ γαμπρούς,
σο γιάνι σ’ θα έ͜εις έναν

Χ̌ιλέμορφον εποίκε σε,
πονούμ’ νύχταν, ημέραν
Εγώ και άλλ’ είκοσ’ νομάτ’
κρατούμε απ’ έναν βέραν

Ση χαρά σ’ μη καλείς μας -ε
να μη κλαινί͜εις κανέναν
Καρσ̌ού σ’ θα έ͜εις είκοσ’ γαμπρούς,
σο γιάνι σ’ θα έ͜εις έναν

Δελι͜άουν τα ποδάρι͜α μουν
εσέν όντες ελέπομ’
Ρούζομ’ αφκά, τινι͜άουμες
και ξαν ολόρθα στέκομ’

Ση χαρά σ’ μη καλείς μας -ε
να μη κλαινί͜εις κανέναν
Καρσ̌ού σ’ θα έ͜εις είκοσ’ γαμπρούς,
σο γιάνι σ’ θα έ͜εις έναν

Γλωσσάρι

Κείμενο	Επεξήγηση	Ετυμ. Ρίζα
αφκά	κάτω
γιάνι	πλάι, πλευρό	yan
δελι͜άουν	περιπλέκονται, μπερδεύονται, σκοντάφτουν	θηλιάζω<θῆλυς
έ͜εις	έχεις
εγούεψεν	λυπήθηκε, τσιγκουνεύτηκε	kıymamak
ελέπομ’	βλέπουμε
εποίκε	έκανε, έφτιαξε	ποιέω-ῶ
’κ’	δεν	οὐκί<οὐχί
καρσ̌ού	απέναντι	karşı
κάφτ’ς	καις
κλαινί͜εις	κάνεις κάποιον να κλάψει, στενοχωρείς
μουν	μας
νομάτ’	άνθρωποι, άτομα	ὀνόματοι
ξάι	καθόλου
ξαν	πάλι, ξανά
ολόρθα	εντελώς όρθια, ευθυτενώς
όντες	όταν
ποδάρι͜α	πόδια
ρούζομ’	πεφτουμε
στέκομ’	στέκουμε
τινι͜άουμες	τιναζόμαστε
τσ̌ικάρι͜α	σπλάχνα, σωθικά	ciğer/ciger
χ̌ιλέμορφον	χιλιόμορφο/η