Ατσ̌ελέν

Προβολή Τραγουδιού

Καλλιτέχνες: Γιώργος Σιδηρόπουλος, Κώστας Σιώπης, Φάνης Κουρουκλίδης

Τα χρόνι͜α φεύ’νε και πάν’
εντάμαν με τη χαράν
Η ζωή μουν έν’ μικρόν,
τέρ’, πουλόπο μ’, αληγόρ’

Ατσ̌ελέν έν’, ατσ̌ελέν,
έλα, πουλί μ’, μετ’ εμέν
Ο καιρόν παραδι͜αβαίν’,
μη γερούμε άμον ξέν’

Τέρ’, πουλόπο μ’, μη νουνί͜εις,
εσύ ξάι μη τρως την ψ̌η σ’
’σέν η μάνα σ’ αν ’κι θέλ’
έλα, πουλί μ’, μετ’ εμέν

Ατσ̌ελέν έν’, ατσ̌ελέν,
έλα, πουλί μ’, μετ’ εμέν
Ο καιρόν παραδι͜αβαίν’,
μη γερούμε άμον ξέν’

Εμέν, πουλόπο μ’, να ακούς
το κιφάλι σ’ να μη κρού’ς
Την καρδι͜ά σ’ μη τυρι͜αννί͜εις,
έρθεν ο καιρός, θ’ αντρί͜εις

Ατσ̌ελέν έν’, ατσ̌ελέν,
έλα, πουλί μ’, μετ’ εμέν
Ο καιρόν παραδι͜αβαίν’,
μη γερούμε άμον ξέν’

Γλωσσάρι

Κείμενο	Επεξήγηση	Ετυμ. Ρίζα
αληγόρ’	(προστ.) κάνε γρήγορα, βιάσου
άμον	σαν, όπως, καθώς	ἅμα
αντρί͜εις	αντρίζεις, βρίσκεις άντρα, παντρεύεις την κόρη σου
ατσ̌ελέν	βιαστικό, επείγον	acele/ʿacele
γερούμε	γερνάμε
έν’	είναι
εντάμαν	μαζί
έρθεν	ήρθε
’κι	δεν	οὐκί<οὐχί
κιφάλι	κεφάλι
κρού’ς	χτυπάς	κρούω
μετ’	μαζί με (με αιτιατική), με (τρόπος)
μουν	μας
νουνί͜εις	σκέφτεσαι
ξάι	καθόλου
ξέν’	ξένοι
παραδι͜αβαίν’	ξεπερνάει, παραφεύγει, ξεφεύγει, παραωριμάζει
πουλόπο	πουλάκι
τέρ’	(προστ.) κοίταξε
τυρι͜αννί͜εις	τυραννάς, ταλαιπωρείς
φεύ’νε	φεύγουν
ψ̌η	ψυχή