Ποντιακός Στίχος

Προβολή Τραγουδιού

’Κ’ είδα σε εφτά ημέρας

Ο ταξιδευτήςΟ ταξιδευτής

Στιχουργοί: Αικατερίνη Παπαδοπούλου

Συνθέτες: Μπάμπης Κεμανετζίδης

Καλλιτέχνες: Ανέστης Ραμπίδης, Μπάμπης Κεμανετζίδης, Φάνης Κουρουκλίδης


’Κ’ είδα σε εφτά ημέρας
και το ψ̌όπο μ’ φτιλακίζ’
Τα δάκρυ͜α μ’ ποτάμ’ εγένταν
θολόν κι εμέν θα φουρκίζ’

Παιδά, τ’ εύκαιρα τα λόγια σ’
πώς να θέκω σο σ̌κοινίν;
Η σεβντά ’κ’ έν’ γουρουνόπον
για να παίρτς α’ σο σακίν

Κανείς ’κ’ έρ’ται να ελέπ’ με
ντό ευτάγω και πώς ζω
Ας σ’ ομμάτι͜α μ’ δάκρυ͜α τρέχ’νε
για τ’ ομμάτι͜α π’ αγαπώ

Παιδά, τ’ εύκαιρα τα λόγια σ’
πώς να θέκω σο σ̌κοινίν;
Η σεβντά ’κ’ έν’ γουρουνόπον
για να παίρτς α’ σο σακίν

Τ’ ομματόπα σ’, τ’ οφρυδόπα σ’
είναι όλεν η ζωή μ’
Ας σα χ̌είλι͜α σ’ δύο λόγια
κι έρ’ται σο κορμί μ’ η ψ̌η μ’

Παιδά, τ’ εύκαιρα τα λόγια σ’
πώς να θέκω σο σ̌κοινίν;
Η σεβντά ’κ’ έν’ γουρουνόπον
για να παίρτς α’ σο σακίν
Γλωσσάρι
ΚείμενοΕπεξήγησηΕτυμ. ΡίζαΠροέλευση
α’(ατό) αυτό, το
ας σ’(ας σου) από του, από τότε που/αφότου, (ας σο) από το/τα
εγέντανέγιναν
ελέπ’βλέπει/βλέπω
έν’είναι
έρ’ταιέρχεται
εύκαιραάδεια, χωρίς περιεχόμενο/νόημα, ανούσια, μτφ. ανοησίες, (ουσ. τα) τα μαλακά μέρη της κοιλίας, βουβώνας
ευτάγωκάνω, φτιάχνω εὐθειάζω
θέκωθέτω, τοποθετώ, βάζω
’κ’δεν ουκί<οὐχί
όλενόλη/ο, ολόκληρη/ο
ομμάτι͜αμάτια
ομματόπαματάκια
οφρυδόπαφρυδάκια
παίρτςπαίρνεις
σεβντάαγάπη, έρωτας sevda/sevdā
τρέχ’νετρέχουν
φουρκίζ’πνίγω/ει
φτιλακίζ’σπαρταρά, πάλλεται γρήγορα
ψ̌ηψυχή
ψ̌όποψυχούλα

Ποντιακός Στίχος - Pontian Lyrics 2024

Τραγούδια: 7813 | Albums/Singles: 1117 | Συντελεστές: 1525 | Λήμματα: 12584
Επικοινωνία: infoDUMMY@pontianlyrics.gr