Ποντιακός Στίχος

Προβολή Τραγουδιού

Θυμάσαι

Νοσταλγικοί σκοποί του ΠόντουΝοσταλγικοί σκοποί του Πόντου

Στιχουργοί: Παραδοσιακό

Συνθέτες: Παραδοσιακό

Καλλιτέχνες: Γιωργούλης Λαφαζανίδης, Μιχάλης Καλιοντζίδης


Σην καριόλαν ντο κείσαι συ,
γιαβρούλα μ’, να ’τσακούτον
Εσύ τιδέν να μη παθάντς
άντρας ι-σ’ να ’σκοτούτον

Εσύ, χ̌έρα μ’, χάρ’ τον καιρό σ’
κι εμέναν απιδέβα
Αρ’ άφ’ς -ι με ας καίουμαι
και σ’ άψιμον ντ’ εσέβα

Έλα να ποδεζίζω σε
αφορισμέντσα χ̌έρα
Τ’ εμόν την ψ̌ην εσύ θα παίρτς,
’παρ’ ακόν’ τα μαχ̌αίρι͜α

Η χ̌έρα μαύρον πρόβατ’ έν’
και σο σουρίν ’κ’ εμπαίνει
Λάσ̌κεται σ’ εξωχώραφα
πάντα οπίσ’ απομένει
Γλωσσάρι
ΚείμενοΕπεξήγησηΕτυμ. ΡίζαΠροέλευση
ακόν’ακόνισε
απιδέβαφύγε, άφησε πίσω, ξεπέρασε, προσπέρασε (προστ.) από + διαβαίνω
αφορισμέντσααφορισμένη, αναθεματισμένη
άφ’ςάφησε (προστ.)
άψιμονφωτιά
εμόνδικός/ή/ό μου ἐμοῦ
έν’είναι
εσέβαμπήκα
’κ’δεν ουκί<οὐχί
καίουμαικαίγομαι
καριόλανσιδερένιο κρεβάτι λ.ιταλική μεσαιωνική carriola
κείσαικείτεσαι, ξαπλώνεις
λάσ̌κεταιπεριφέρεται, τριγυρνά, περιπλανιέται ἀλάομαι/ηλάσκω
οπίσ’πίσω
παθάντςπαθαίνεις
παίρτςπαίρνεις
’σκοτούτον(εσκοτούτον) σκοτωνόταν
σουρίνκοπάδι, σωρός από πράγματα sürü
τιδέντίποτα
’τσακούτον(ετσακούτον) έσπαζε
χ̌έραχήρα
χάρ’χαίρε, να χαρείς (προστ.)
ψ̌ηνψυχή

Ποντιακός Στίχος - Pontian Lyrics 2024

Τραγούδια: 7825 | Albums/Singles: 1118 | Συντελεστές: 1525 | Λήμματα: 12572
Επικοινωνία: infoDUMMY@pontianlyrics.gr