Τ’ εμόν ο γιον

Προβολή Τραγουδιού

Καλλιτέχνες: Μπάμπης Ιορδανίδης, Μπάμπης Κεμανετζίδης

Είπα σην ψ̌η μ’ «Τραγώδεσον!
Για τον παιδά μ’ κάτ’ πέει με»
Ατός έν’ όλεν η ζωή μ’,
«πατέρα» όντες λέει με

Θεέ μ’, εσέν ευχαριστώ
ντ’ εδώκες με χρωστώ Σε
Τη στράταν ατ’ ωρίασον,
πολλά παρακαλώ Σε!

Αγούρι μ’, τρώγω τον Θεό σ’!
Τα πόια σ’ να λελεύω!
Ευτάς με υπερήφανον
και σ’ άστρα γιανασ̌εύω

Θεέ μ’, εσέν ευχαριστώ
ντ’ εδώκες με χρωστώ Σε
Τη στράταν ατ’ ωρίασον,
πολλά παρακαλώ Σε!

Να έν’ η στράτα σ’ κατενόν,
σα πλούτι͜α απέσ’ να κείσαι
Κι εγώ να χ̌αίρουμαι, γιαβρί μ’,
τ’ εμόν ο γιον ντο είσαι

Θεέ μ’, εσέν ευχαριστώ
ντ’ εδώκες με χρωστώ Σε
Τη στράταν ατ’ ωρίασον,
πολλά παρακαλώ Σε!

Γλωσσάρι

Κείμενο	Επεξήγηση	Ετυμ. Ρίζα
αγούρι	αγόρι
απέσ’	μέσα
ατός	αυτός
γιαβρί	μωρό, μικρό, παιδί	yavru
γιανασ̌εύω	πλησιάζω, πλευρίζω	yanaşmak
εδώκες	έδωσες
εμόν	δικός/ή/ό μου	ἐμοῦ
έν’	είναι
ευτάς	κάνεις, φτιάχνεις	εὐθειάζω
κατενόν	καθαρό, ξεπλυμένο, ξεθολωμένο	κατανίζω
κείσαι	κείτεσαι, ξαπλώνεις
λελεύω	χαίρομαι
όλεν	όλη/ο, ολόκληρη/ο
όντες	όταν
πέει	(προστ.) πες
πλούτι͜α	πλούτη
πόια	ύψη	boy
πολλά	(επίθ.) πολλά, (επίρρ.) πολύ
τραγώδεσον	(προστ.) τραγούδησε
χ̌αίρουμαι	χαίρομαι
ψ̌η	ψυχή
ωρίασον	(προστ.) πρόσεξε, φύλαξε, φυλάξου