Βιώματα 16

Προβολή Τραγουδιού

Καλλιτέχνες: Μπάμπης Κεμανετζίδης, Σταύρος Σαββίδης

[Εχ! Και -ν-] Άφ’ς με τα χ̌είλι͜α σ’ να φιλώ [ν’ αηλί εμέν!]
[εχ!] να παίρω ας σο μέλι σ’ [έλα -ν- έλα/πάτ’ και δέβα]
[Εχ! Και] Σο γιάνι σ’, ψ̌η μ’, να πορπατώ [ν’ αηλί εμέν!]
[εχ!] και να κρατώ το χ̌έρι σ’ [έλα -ν- έλα/πάτ’ και δέβα]

[Εχ! Και] Τον ήλεν ’παρακάλεσα [ν’ αηλί εμέν!]
[εχ!] να φεύ’ κ’ έρ’ται η σκοτία [έλα -ν- έλα/πάτ’ και δέβα]
[Εχ! Και] Ν’ ελέπω σε σο όρωμα μ’, [ν’ αηλί εμέν!]
[εχ!] να χ̌αίρεται η καρδία μ’ [έλα -ν- έλα/πάτ’ και δέβα]

[Εχ! Και -ν-] Αροθυμία σ’ έφαεν [ν’ αηλί εμέν!]
[εχ!] την καρδι͜ά μ’ το ημ’σόν -ι [έλα -ν- έλα/πάτ’ και δέβα]
[Εχ! Και] Μακρά - μακρά ντο στέκομε [ν’ αηλί εμέν!]
[Εχ!-ν-] εμέν θα παλαλώνει [έλα -ν- έλα/πάτ’ και δέβα]

Γλωσσάρι

Κείμενο	Επεξήγηση	Ετυμ. Ρίζα
αηλί	αλίμονο	ἀ- + μεσαιωνική ελληνική ἠλί < εβραϊκά אל (θεός)
αροθυμία	νοσταλγία
ας σο	απ’ το	ασό σο (από το)
άφ’ς	(προστ.) άφησε
γιάνι	πλάι, πλευρό	yan
δέβα	(προστ.) πήγαινε
ελέπω	βλέπω
έρ’ται	έρχεται
έφαεν	έφαγε
ήλεν	ήλιος/ήλιο
ημ’σόν	μισό/η
μακρά	(επιρρ.) μακριά, (επιθ.) μακρινά, απομακρυσμένα
ν’ αηλί	αλίμονο	μεσαιων. ελλ. ἀλί<ἀ- + ἠλί (εβραϊκά אל)= θεός
όρωμα	όνειρο
παίρω	παίρνω
παλαλώνει	τρελαίνει κπ
’παρακάλεσα	(επαρακάλεσα) παρακάλεσα
πάτ’	(προστ.) πάτησε, πάτα
πορπατώ	περπατάω
σκοτία	σκοτάδι
στέκομε	στέκουμε
φεύ’	φεύγει
ψ̌η	ψυχή