Έλα μετ’ εμέν

Προβολή Τραγουδιού

Παραδοσιακά τραγούδια της Σάντας του Πόντου

Καλλιτέχνες: Χαράλαμπος Εφραιμίδης, Χρήστος Τσενεκίδης

Έλα μετ’ εμέν, γιαβρόπο μ’,
[Τρυγόνι μ’, τρυγόνα μ’]
έλα μη τυρι͜αννί͜εις με
[Ωφ, ωφ, σιναϊνά]
Το ψ̌όπο μ’ ολιίκον έν’,
[Τρυγόνι μ’, τρυγόνα μ’]
εβγαίν’ κι άλλο ’κ’ ευρήκ’ς με!
[Ωφ, ωφ, σιναϊνά]

Τέρεν, μάνα, το παπόρ’
ντ’ άσ̌κεμα κουνίεται
Το σαρίν τ’ αρνί μ’ απέσ’
φογούμαι φουρκίεται

Έμορφον είσαι έμορφον
[Τρυγόνι μ’, τρυγόνα μ’]
τιδέν ’κ’ έχω να λέγω
[Ωφ, ωφ, σιναϊνά]
Εγώ πα νέικον παλληκάρ’
[Τρυγόνι μ’, τρυγόνα μ’]
το καρδόπο σ’ θα καίγω
[Ωφ, ωφ, σιναϊνά]

Έναν κορτσόπον τερεί
άμον μάισσα και περή
Εγώ ατέν ’κι θα παίρω,
τη μανίτσαν ατ’ς ν’ αηλί!

Έλα μετ’ εμέν, γιαβρόπο μ’,
[Τρυγόνι μ’, τρυγόνα μ’]
έλα μη τυρι͜αννί͜εις με
[Ωφ, ωφ, σιναϊνά]
Εθαρρείς νέον κι έμορφον
[Τρυγόνι μ’, τρυγόνα μ’]
εσύ πάντα θα ευρήκ’ς με;
[Ωφ, ωφ, σιναϊνά]

Τέρεν, μάνα, το παπόρ’
ντ’ άσ̌κεμα κουνίεται
Το σαρίν τ’ αρνί μ’ απέσ’
φογούμαι φουρκίεται

Γλωσσάρι

Κείμενο	Επεξήγηση	Ετυμ. Ρίζα
αηλί	αλίμονο	ἀ- + μεσαιωνική ελληνική ἠλί < εβραϊκά אל (θεός)
άμον	σαν, όπως, καθώς	ἅμα
απέσ’	μέσα
άσ̌κεμα	άσχημα
ατέν	αυτήν
ατ’ς	αυτής, της
γιαβρόπο	μωράκι, μικρούλι, παιδάκι	yavru + -όπον
εβγαίν’	βγαίνει
εθαρρείς	θαρρείς, νομίζεις, υποθέτεις
έμορφον	όμορφο
έν’	είναι
ευρήκ’ς	βρίσκεις
’κ’	δεν	οὐκί<οὐχί
καρδόπο	καρδούλα
’κι	δεν	οὐκί<οὐχί
κορτσόπον	κοριτσάκι
κουνίεται	κουνιέται, λικνίζεται
μάισσα	μάγισσα
μετ’	μαζί με (με αιτιατική), με (τρόπος)
ν’ αηλί	αλίμονο	μεσαιων. ελλ. ἀλί<ἀ- + ἠλί (εβραϊκά אל)= θεός
νέικον	νέο, νεαρό
ολιίκον	λιγούτσικο
πα	πάλι, επίσης, ακόμα
παίρω	παίρνω
παπόρ’	βαπόρι, καράβι	vapore
περή	ξωτικό	peri/perī
σαρίν	ξανθό, κίτρινο	sarı
τερεί	κοιτάει
τέρεν	(προστ.) κοίταξε
τιδέν	τίποτα
τρυγόνα	το πουλί τρυγόνι, χαϊδευτική προσφώνηση γυναίκας
τρυγόνι	το πουλί τρυγόνι, χαϊδευτική προσφώνηση γυναίκας
τυρι͜αννί͜εις	τυραννάς, ταλαιπωρείς
φογούμαι	φοβάμαι
φουρκίεται	πνίγεται
ψ̌όπο	ψυχούλα