Αν αποθάνω, γιαβρόπο μ’

Προβολή Τραγουδιού

Αν αποθάνω, γιαβρόπο μ’,
θάψον με με το φέγγον
’Μάραντα και τριαντάφυλλα
σο κιφαλόπο μ’ θέκον

Και με το κεμεντζ̌όπο μου
σον Άδ’ θα κατηβαίνω
Εκεί παραπονέματα,
έναν βράδον ’κι μένω

Αέτσ’ πως έν’ καλόν έν’,
[ψ̌η μ’], τ’ εγκαλόπο σ’ αλών’ έν’
Εφίλεσα το μάγουλο σ’
κι ας εμέν τρυφερόν έν’

Αρνί μ’, σ’ εμόν το ταφόπον
έλα το χρόνον μίαν
Έναν κερόπον άψον με,
ποίσον με συντροφίαν

Αν αποθάνω ξάι μη κλαις
και μη τρως την καρδία σ’
Κλάψον με ατώρα ζωντανόν
και σύρον/φτούλτσον τα μαλλία σ’

Γλωσσάρι

Κείμενο	Επεξήγηση	Ετυμ. Ρίζα
αέτσ’	έτσι
αλών’	αλώνι
αποθάνω	πεθαίνω
ατώρα	τώρα
άψον	(προστ.) άναψε
βράδον	βράδυ
γιαβρόπο	μωράκι, μικρούλι, παιδάκι	yavru + -όπον
εγκαλόπο	αγκαλιά, αγκαλίτσα
εμόν	δικός/ή/ό μου	ἐμοῦ
έν’	είναι
εφίλεσα	φίλησα
θάψον	(προστ.) θάψε
θέκον	(προστ.) θέσε, τοποθέτησε, βάλε
κατηβαίνω	κατεβαίνω
κεμεντζ̌όπο	(υποκορ.) λύρα	kemençe/kemānçe
κερόπον	κεράκι
’κι	δεν	οὐκί<οὐχί
κιφαλόπο	κεφαλάκι
κλάψον	(προστ.) κλάψε
’μάραντα	(επιστ. Helichrysum stoechas) τα αγριολούλουδα ελίχρυσος ο πολύτιμος
μίαν	μια φορά
ξάι	καθόλου
παραπονέματα	παράπονα
ποίσον	(προστ.) κάνε, φτιάξε	ποιέω, ποιῶ
συντροφίαν	συντροφιά, παρέα
σύρον	(προστ.) σύρε, τράβα, ρίξε
ταφόπον	(υποκορ.) τάφος
φέγγον	φεγγάρι
φτούλτσον	(προστ.) μάδησε, ξεπουπούλισε	πτίλον
ψ̌η	ψυχή