Ποντιακός Στίχος

Προβολή Τραγουδιού

Τη κεμεντζ̌ές τ’ ωτία/Μωμόερος

Ποντίων ΑπάνθισμαΠοντίων Απάνθισμα

Στιχουργοί: Παραδοσιακό

Συνθέτες: Παραδοσιακό

Καλλιτέχνες: Γιώργος Σοφιανίδης, Κώστας Σιαμίδης


Τα κόρδας είναι έμορφα
και δεμένα σ’ ωτία
Η λύρα σ’ καπατεμένον
έξ’-απέσ’ με πλουμία

Ερρούξα και -ν- ετσάκωσα
τη κεμεντζ̌ές τ’ ωτία
Θα έρχουμαι και ’κ’ επορώ
έν’ νύχταν και σκοτίαν

Κεμεντζ̌ετζή για ίσα̤ξον
τη κεμεντζ̌ές τ’ ωτία
Κόρ’, έλα -ν- ας ευρίουμες
την νύχταν σην σκοτίαν

♫

Μωμόερος θα ’ίνουμαι
και με τα γολγονόπα
Θα λάσκουμαι μεσανυχτί’
και γνεφίζω κορτσόπα

Οι μωμοέρ’ εξέβανε
τα Φώτα, τ’ Αε-Γιαννί’
Ν’ αηλί τη μαυρομάναν ατ’
εμάς που ’κι θα ανοί͜ει

Άλλο ’κι πάω σο Καρά
Παρασκευή και Σάββαν
Να ποδεδίζω τον ποπάν
π’ εντούνεν την Μωυσάβαν
Γλωσσάρι
ΚείμενοΕπεξήγησηΕτυμ. ΡίζαΠροέλευση
Αε-Γιαννί’Αη-Γιαννιού
αηλίαλίμονο ἀ- + μεσαιωνική ελληνική ἠλί < εβραϊκά אל (θεός)
ανοί͜ειανοίγει
απέσ’μέσα
γνεφίζωξυπνώ
γολγονόπακουδουνάκια
έμορφαόμορφα
έν’είναι
εντούνενχτυπούσε
έξ’έξω ή ο αριθμός έξι
έξ’-απέσ’μέσα-έξω
εξέβανεβγήκαν
επορώμπορώ
ερρούξαέπεσα
έρχουμαιέρχομαι
ετσάκωσαέσπασα
ευρίουμεςβρισκόμαστε
’ίνουμαιγίνομαι
’κ’δεν ουκί<οὐχί
καπατεμένονσκεπασμένο/η, καλυμμένο/η, κλεισμένο/η σε κτ kapatmak
κεμεντζ̌έςλύρας kemençe/kemānçe
’κιδεν ουκί<οὐχί
κόρδαςχορδές
κορτσόπακοριτσάκια
λάσκουμαιπεριφέρομαι, τριγυρίζω, περιπλανώμαι ἀλάομαι/ηλάσκω
μεσανυχτί’την ώρα του μεσονυχτίου
μωμοέρ’(γνωστό και ως μωμόγεροι ή μωμόεροι) λαϊκό δρώμενο το οποίο λαμβάνει χώρα το 12ήμερο Χριστούγεννα - Πρωτοχρονιά - Θεοφάνια με ευχετηριακό χαρακτήρα μῶμος + γέρων ή εκ του μαμουγέρα (μάσκα, προσωπίδα)<λατ. Mamuralia<Mamurius
μωμόερος(ή μωμόγερος) αυτός που συμμετέχει στα μωμοέρια, λαϊκό δρώμενο το οποίο λαμβάνει χώρα το 12ήμερο Χριστούγεννα - Πρωτοχρονιά - Θεοφάνια με ευχετηριακό χαρακτήρα μῶμος + γέρων ή εκ του μαμουγέρα (μάσκα, προσωπίδα)<λατ. Mamuralia<Mamurius
ν’ αηλίαλίμονο μεσαιων. ελλ. ἀλί<ἀ- + ἠλί (εβραϊκά אל)= θεός
να ποδεδίζωνα χαρώ κπ
πλουμίακεντητά ή ζωγραφιστά διακοσμητικά σχέδια, μτφ. στολίδιa pluma
ποδεδίζω(ενεργ. και μέση) χαίρομαι, απολαμβάνω, προσκυνώ από+δέδιν (<δείδω=φοβάμαι, ανησυχώ)
ποπάνπαπά
ΣάββανΣάββατο Shabbat
σκοτίανσκοτάδι
ωτίααυτιά

Ποντιακός Στίχος - Pontian Lyrics 2024

Τραγούδια: 7825 | Albums/Singles: 1118 | Συντελεστές: 1525 | Λήμματα: 12572
Επικοινωνία: infoDUMMY@pontianlyrics.gr