Προβολή Τραγουδιού

Κορίτσ’ μικρόν

Στιχουργοί: Ιωάννης Κοσμίδης, Τάκης Παπαδόπουλος

Ε! κορίτσ’, κορίτσ’ μικρόν
τα γλυκοτερέματα σ’
Εσύ να έσ’νε τ’ εμόν,
νώμα τα φιλέματα σ’

Σ’ ομμάτι͜α σ’ όντες τερώ,
κρούει η καρδι͜ά μ’, ντ’ άγνα κρούει!
Σκότα με άλλο μη ζω,
τον πόνο μ’ γιατί ’κι ακούει;

Ατέν ας σην ψ̌η μ’ πολλά
αγαπώ κι ατέ γελά
Έλα, μετ’ εμέν μη παί͜εις,
θα ευτάω παλαλά

Γιάβρι μ’, έξ’ εμέρωσεν
κι εγώ αναμένω σε
Λέω ν’ ανασπάλω σε,
ξαν σ’ ομμάτι͜α μ’ φέρω σε

Γλωσσάρι

Κείμενο	Επεξήγηση	Ετυμ. Ρίζα
ανασπάλω	ξεχάσω
ατέ	αυτή
ατέν	αυτήν
γιάβρι	μωρό, μικρό, παιδί	yavru
εμέρωσεν	ξημέρωσε
εμόν	δικός/ή/ό μου	ἐμοῦ
έξ’	έξω ή ο αριθμός έξι
έσ’νε	ήσουν
ευτάω	κάνω, φτιάχνετε	εὐθειάζω
’κι	δεν	ουκί<οὐχί
κρούει	χτυπάει
μετ’	μαζί με (με αιτιατική), με (τρόπος)
ντ’ άγνα	τι περίεργα; τι αλλόκοτα; τι αξιοθαύμαστα;
νώμα	δώσε μου
ξαν	πάλι, ξανά
ομμάτι͜α	μάτια
όντες	όταν
παί͜εις	παίζεις
παλαλά	τρελά, τρέλες
πολλά	πολλά (επίθ.), πολύ (επίρ.)
σκότα	σκότωσε (προστ.)
τερώ	κοιτώ
φιλέματα	φιλιά
ψ̌η	ψυχή