Το συμφέρον

Προβολή Τραγουδιού

Καλλιτέχνες: Μπάμπης Ιορδανίδης, Μπάμπης Κεμανετζίδης

Ο κόσμος έντον ψεύτικος
κι εχάθανε τ’ αξίας
Γομάτα είν’ τα τσ̌όπι͜α τουν
και κρύα τα καρδίας

Σύμφερον όντες ’κ’ έχομε,
φιλίαν ’κι κρατούμε
Ατό πα τη συγγένειαν
μ’ έναν ομμάτ’ τερούμε

Με τον πόνον τη γείτονα
καμίαν ’κι πονούμε
Τ’ οσπίτ’ να βρουλίεται
εμείς σεΐρ’ τερούμε

Σύμφερον όντες ’κ’ έχομε,
φιλίαν ’κι κρατούμε
Ατό πα τη συγγένειαν
μ’ έναν ομμάτ’ τερούμε

Τεά ευτάμε το καλόν
και ας σ’ άλλο το μέρος
νουνίζομε και για τ’ εμάς
ποίον θα έν’ το κέρδος

Σύμφερον όντες ’κ’ έχομε,
φιλίαν ’κι κρατούμε
Ατό πα τη συγγένειαν
μ’ έναν ομμάτ’ τερούμε

Γλωσσάρι

Κείμενο	Επεξήγηση	Ετυμ. Ρίζα
ας σ’	(ας σου) από του, από τότε που/αφότου, (ας σο) από το/τα
βρουλίεται	φλέγεται, καίγεται	brûler
γομάτα	γεμάτα
είν’	(για πληθ.) είναι
έν’	είναι
έντον	έγινε
ευτάμε	κάνουμε, φτιάχνουμε	εὐθειάζω
εχάθανε	χάθηκαν
έχομε	έχουμε
’κ’	δεν	οὐκί<οὐχί
καμίαν	ποτέ
καρδίας	(τη, γεν.) καρδιάς, (τα, ονομ. πληθ.) καρδιές
’κι	δεν	οὐκί<οὐχί
νουνίζομε	σκεφτόμαστε
ομμάτ’	μάτι
όντες	όταν
οσπίτ’	σπίτι	hospitium<hospes
πα	πάλι, επίσης, ακόμα
σεΐρ’	θέαμα πρόσφορο για διασκέδαση (τερώ σεΐρ: κοιτώ κάτι παραμένοντας αμέτοχος)	seyir/seyr
τεά	τάχα, δήθεν, υποτίθεται	deyü (οθωμ. περιόδου)
τερούμε	κοιτάμε
τουν	τους
τσ̌όπι͜α	τσέπη	cep/ceyb