Εγάπην έναν μονοπάτ’

Προβολή Τραγουδιού

Καλλιτέχνες: Σταύρος Σαββίδης, Φάνης Κουρουκλίδης

Εγάπην έναν μονοπάτ’
και τρείος ’κ’ εχωρούνε
Εσύ κι εγώ κι άλλο κανείς
και μίαν π’ αγαπούνε

Όσοι όρκον ’κι κρατούνε
ξάι μη λένε αγαπούνε
Ξάι μη λένε αγαπούνε
όσοι όρκον ’κι κρατούνε

Εγάπ’ ντο έν’ και δίστρατον
πολλά ’κι πάει, χωρίγουν
Τα όνειρα πάν’ χάν’ντανε
και τα καρδίας λύγουν

Όσοι όρκον ’κι κρατούνε
ξάι μη λένε αγαπούνε
Ξάι μη λένε αγαπούνε
όσοι όρκον ’κι κρατούνε

Εσύ κι εγώ και χ̌έρ’ με χ̌έρ’,
εντάμαν πορπατούμε
Εγώ εσέν κι εσύ εμέν
σ’ ομμάτι͜α απέσ’ τερούμε

Όσοι όρκον ’κι κρατούνε
ξάι μη λένε αγαπούνε
Ξάι μη λένε αγαπούνε
όσοι όρκον ’κι κρατούνε

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
εγάπ’	αγάπη
εγάπην	αγάπη
έν’	είναι
εντάμαν	μαζί
εχωρούνε	χωράνε
’κ’	δεν	οὐκί<οὐχί
καρδίας	(τη, γεν.) καρδιάς, (τα, ονομ. πληθ.) καρδιές
’κι	δεν	οὐκί<οὐχί
μίαν	μια φορά
ξάι	καθόλου
ομμάτι͜α	μάτια
πολλά	(επίθ.) πολλά, (επίρρ.) πολύ
πορπατούμε	περπατάμε
τερούμε	κοιτάμε
χ̌έρ’	χέρι
χάν’ντανε	χάνονται, διώχνονται
χωρίγουν	χωρίζονται, ξεχωρίζονται