Ση Κοντού

Προβολή Τραγουδιού

Καλλιτέχνες: Χρήστος Ασλανίδης, Χρήστος Καλιοντζίδης

Ση Κοντού μίαν φοράν
έντονε τρανόν ποράν’
Ουρανός καθαρός έτον
το ποράν’ απόθεν έτον;

Χόπα-χόπα κι όλο χόπα
σην καϊτέ μ’ απάν’, κορτσόπα!
Έμορφοι οι χ̌ι͜οράδες
αγαπούνε τοι γιοσμάδες

Ο γιοσμάς με την κουκούλαν
έραξεν απέσ’ σην βρούλαν
Είδανε τα μουσκαρόπα
’ς σον καπνόν εκαρδοκόπαν

Οξυπόλ’τος και γιοσμάς,
τσάτσαλος και χοβαρτάς
Χόπα, χόπα κι όλο χόπα
σην καϊτέ μ’ απάν’, κορτσόπα!

Γλωσσάρι

Κείμενο	Επεξήγηση	Ετυμ. Ρίζα
απάν’	πάνω
απέσ’	μέσα
απόθεν	από που, από όπου
βρούλαν	φλόγα	brûler
γιοσμάδες	κομψοί, λεβέντες νέοι	yosma
γιοσμάς	κομψός, λεβέντης νέος	yosma
εκαρδοκόπαν	τρόμαξαν, καταπτοήθηκαν, πήραν μεγάλη λαχτάρα	καρδία+κόφτω
έμορφοι	όμορφοι/ες
έντονε	έγινε
έραξεν	πήδηξε με ορμή	ἀράσσω
έτον	ήταν
καϊτέ	μελωδία, μουσική σύνθεση, μουσικός σκοπός	kayde
Κοντού	μία από τις 4 ενορίες του χωριού Καπίκιοϊ της περιοχής Ματσούκας του Πόντου
κορτσόπα	κοριτσάκια
μίαν	μια φορά
μουσκαρόπα	μοσχαράκια
οξυπόλ’τος	ξυπόλητος/η
ποράν’	μπόρα, καταιγίδα	boran<βενετ. bora<λατ. Boreas <Βορέας (αντιδάνειο)
’ς	(ας) από
τοι	τους/τις
τσάτσαλος	γυμνός
χ̌ι͜οράδες	χήρες
χοβαρτάς	άσωτος, σπάταλος, γυναικοθήρας, μοίχος	hovarda
χόπα	χαρωπά, ζωηρά (επιφώνημα χορού)	hoppa (ονοματοποιητική λέξη «ήχος παιδιού που πηδά»)

Σημειώσεις

Αφιερωμένο στη μνήμη του Πολυχρόνη (Πόλιου) Παπαγιαννίδη