Ποντιακός Στίχος

Προβολή Τραγουδιού

Κατεβάστε τους στίχους σε PDF

Τσ’ εγάπ’ς το τέρτ’

Τσ’ εγάπ’ς το τέρτ’Τσ’ εγάπ’ς το τέρτ’

Στιχουργοί: Κώστας Διαμαντίδης

Συνθέτες: Μπάμπης Κεμανετζίδης

Καλλιτέχνες: Κώστας Θεοδοσιάδης, Μπάμπης Κεμανετζίδης


Λιθάρ’ που ’κι κυλίεται
χορτάρι͜α θα γομούται
και τσοι γυναίκ’ς που μεταλλάζ’
καμίαν ’κι κομπούται

Τ’ ουρανού τα πετούμενα
όλια θα απιτάζω
Τσ’ εγάπ’ς το τέρτ’ να τραγωδούν
κι εγώ ν’ αναστενάζω

Κρίμαν αν έν’, πουλί μ’, η εγάπ’,
εγώ εκολατία
Ὰμα πουθέν πα ’κ’ είδα ’το
γραμμένον σα χαρτία

Τ’ ουρανού τα πετούμενα
όλια θα απιτάζω
Τσ’ εγάπ’ς το τέρτ’ να τραγωδούν
κι εγώ ν’ αναστενάζω

Κι αν έν’ και κάπ’ ευρήκ’ς ατο
γραμμένον σα χαρτία
Ατό ήμποιος έγραψεν
’κ’ εγάπεσεν καμίαν

Τ’ ουρανού τα πετούμενα
όλια θα απιτάζω
Τσ’ εγάπ’ς το τέρτ’ να τραγωδούν
κι εγώ ν’ αναστενάζω
Γλωσσάρι
ΚείμενοΕπεξήγησηΕτυμ. ΡίζαΠροέλευση
ὰμααλλά ama/ammā
απιτάζωεπιτάσσω, διατάζω, προστάζω ἐπιτάσσω
γομούταιγεμίζει, βουρκώνει, κομπιάζει
γυναίκ’ςγυναίκες
εγάπ’αγάπη
εγάπεσεναγάπησε
εγάπ’ςαγάπης
εκολατίακολάστηκα
έν’είναι
ευρήκ’ςβρίσκεις
ήμποιοςόποιος
’κ’δεν οὐκί<οὐχί
καμίανποτέ
κάπ’κάπου
’κιδεν οὐκί<οὐχί
κομπούταιξεγελιέται, εξαπατάται, μτφ. σαγηνεύεται κομβόω
κυλίεταικυλιέται
λιθάρ’λιθάρι, πέτρα
μεταλλάζ’εναλλάσσει, χρησιμοποιεί εναλλάξ
όλιαόλα
παπάλι, επίσης, ακόμα
πουθένπουθενά
τέρτ’καημός, βάσανο, (ονομ.) στενοχώρια dert
’τοαυτό, το (προσωπική αντωνυμία)
τραγωδούντραγουδάνε
τσ’(ως τση, άρθρο γεν. ενικού) του/της, (ως τσοι, άρθρο αιτ. πληθ.) τις, (ως ερωτημ. τσί;) ποιός;
τσοιτους/τις

Ποντιακός Στίχος - Pontian Lyrics 2025

Τραγούδια: 9665 | Albums/Singles: 1749 | Συντελεστές: 2000 | Λήμματα: 15816
Επικοινωνία: infoDUMMY@pontianlyrics.gr