Χάλα-χάλα

Προβολή Τραγουδιού

Θεία μ’, την θαγατέρα σου
δος ατέν τερπιέν -ι
Θα σύρ’ και παίρ’ το ψ̌όπο μου
μ’ αΐκον ταπιέτι

Χἀλα - χἀλα, καλοχἀλα!
Είδα σε, θειίτσα μ’, κι εκάγα
Είδα σε, θειίτσα μ’, κι εκάγα
Έρθα, δος μα την φραντάλα

Θειίτσα μ’, να λελεύω σε!
Ντο λέγω σε για ποίσον
Εμέν και την θαγατέρα σ’
σ’ έναν μερέαν χτίσον

Χἀλα - χἀλα, καλοχἀλα!
Είδα σε, θειίτσα μ’, κι εκάγα
Είδα σε, θειίτσα μ’, κι εκάγα
Έρθα, δος μα την φραντάλα

Θειίτσα μ’, να λελεύω σε!
Νε θεία μ’, καλοθείαν!
Για δος μα το κορτσόπο σου,
ατό με τ’ άσπρα ψ̌ήα

Χἀλα - χἀλα, καλοχἀλα!
Είδα σε, θειίτσα μ’, κι εκάγα
Είδα σε, θειίτσα μ’, κι εκάγα
Έρθα, δος μα την φραντάλα

Γλωσσάρι

Κείμενο	Επεξήγηση	Ετυμ. Ρίζα
αΐκον	τέτοιο/α
ατέν	αυτήν
δος	δώσε
δος μα	δώσε μου
εκάγα	κάηκα
έρθα	ήρθα
θαγατέρα	κόρη, θυγατέρα
κορτσόπο	κοριτσάκι
λελεύω	χαίρομαι
μερέαν	μεριά
παίρ’	παίρνω/ει
ποίσον	(προστ.) κάνε, φτιάξε	ποιέω, ποιῶ
σύρ’	σύρω/ει, τραβάω/ει, ρίχνω/ει
ταπιέτι	συνήθεια, χαρακτηριστικό, ο χαρακτήρας ενός ανθρώπου	tabiat/ṭabīʿat
τερπιέν	εκπαίδευση, ανατροφή, καλοί τρόποι	terbiye
φραντάλα	γυναίκα πρόσχαρη, πληθωρική γυναίκα
χτίσον	(προστ.) χτίσε, φτιάξε
ψ̌ήα	ψυχές, η περιοχή του στέρνου, τα εσώψυχα
ψ̌όπο	ψυχούλα