Ο Σαντέτες

Προβολή Τραγουδιού

Καλλιτέχνες: Μάντης Σαββίδης, Σταύρος Σαββίδης

Απ’ ακεί πέρα π’ έρχεται
γιοσμάς με την κουκούλαν
Ζωμένος τα φυσ̌εκόπα,
Σαντέτες ως τη γούλαν

Ευδοξία -ν-, Ευδοξία,
Πού είναι τα μοζία;
Ας σο Κανλή-Πογάρ καικά
έχ̌’ κι έρ’ται η Σαντετία

Απάν’ ση Σάντας τα ραχ̌ι͜ά
κλώσκουμαι απέσ’ ση δείσαν
Σ’ εμέν καμίαν ’κι μερών’,
πάντα σκοτίαν πίσσα

Ευδοξία -ν-, Ευδοξία,
Πού είναι τα μοζία;
Ας σο Κανλή-Πογάρ καικά
έχ̌’ κι έρ’ται η Σαντετία

Σαντέτ’κον παλληκάρ’ είμαι,
κλώσκουμαι σα ραχ̌ία
Πίνω τα κρύα τα νερά,
σύρω τη μαναχ̌ίαν

Ευδοξία -ν-, Ευδοξία,
Πού είναι τα μοζία;
Ας σο Κανλή-Πογάρ καικά
έχ̌’ κι έρ’ται η Σαντετία

Γλωσσάρι

Κείμενο	Επεξήγηση	Ετυμ. Ρίζα
ακεί	εκεί
απάν’	πάνω
απέσ’	μέσα
γιοσμάς	κομψός, λεβέντης νέος	yosma
γούλαν	λαιμό	gula
δείσαν	ομίχλη	δεῖσα=υγρασία, λάσπη, βρωμιά
έρ’ται	έρχεται
έχ̌’	έχει
έχ̌’ κι έρ’ται	είναι στον ερχομό, έρχεται
ζωμένος	ζωσμένος
καικά	προς τα κάτω, εκεί ακριβώς, κοντά
καμίαν	ποτέ
’κι	δεν	οὐκί<οὐχί
κλώσκουμαι	γυρίζω, επιστρέφω
μαναχ̌ίαν	μοναξιά
μερών’	μερώνει, ξημερώνει
μοζία	δαμαλίδες, νεαρές αγελάδες
ραχ̌ι͜ά	ράχες, βουνά
ραχ̌ία	ράχες, βουνά
σκοτίαν	σκοτάδι
σύρω	σέρνω, τραβώ, ρίχνω
φυσ̌εκόπα	(υποκορ.) φυσίγγια	fişek/fişeng/φῦσιγξ