Ποντιακός Στίχος

Προβολή Τραγουδιού

Ελαίας δέντρον

Ελαίας δέντρονΕλαίας δέντρον

Στιχουργοί: Μαρία Αθανασιάδου-Ποικιλίδου

Συνθέτες: Γιώργος Ατματσίδης

Καλλιτέχνες: Γιώργος Ατματσίδης, Στάθης Νικολαΐδης


Ελαίας δέντρον έτονε
σον Πόντον φυτεμένον
Γινάτ’κα ρίζας έπλωνεν
χρόνι͜α τ’ ευλοημένον

Θάμαν έτον ντ’ εκράτεσεν
με ρίζαν αχπαμένον
Ακόμαν ζει και βασιλεύ’
δέντρον ξεριζωμένον

Εντώκαν ατο οι τουσ̌μάν’
να ρούζ’νε κα’ τ’ ελαίας
Έκοφταν τα κλαδόπα ’θε,
σην ψ̌η μουν μαχ̌αιρέας

Θάμαν έτον ντ’ εκράτεσεν
με ρίζαν αχπαμένον
Ακόμαν ζει και βασιλεύ’
δέντρον ξεριζωμένον

Ποτάμ’ τα δά̤κρυ͜α έντανε
ελάδ’ για την καντήλαν
σην καρδι͜ά μουν απέσ’ ντο καίει
το χώμαν μουν ντ’ επήραν

Θάμαν έτον ντ’ εκράτεσεν
με ρίζαν αχπαμένον
Ακόμαν ζει και βασιλεύ’
δέντρον ξεριζωμένον
Γλωσσάρι
ΚείμενοΕπεξήγησηΕτυμ. ΡίζαΠροέλευση
απέσ’μέσα
αχπαμένονξεριζωμένο, ξεκολλημένο, αυτό που έχει αποκολληθεί βιαίως ἐκσπάω
γινάτ’καπεισματάρικα inat/ʿinād
έκοφτανέκοβαν
εκράτεσενκράτησε
ελάδ’λάδι
ελαίας(τα) ελιές, (τη) ελιάς
έντανεέγιναν
εντώκανχτύπησαν
έτονήταν
έτονεήταν
ευλοημένονευλογημένο
θάμανθαύμα
’θετου/της
κα’κάτω
κλαδόπακλαδάκια
μαχ̌αιρέας(ον. πληθ., τα) μαχαιριές, (γεν. εν., τη) μαχαιριάς
μουνμας
ρίζας(γεν. ενικού) ρίζας, (ον./αιτ. πληθ.) ρίζες
ρούζ’νεπέφτουν
τουσ̌μάν’εχθροί düşman/duşmān
ψ̌ηψυχή

Ποντιακός Στίχος - Pontian Lyrics 2024

Τραγούδια: 7813 | Albums/Singles: 1117 | Συντελεστές: 1525 | Λήμματα: 12584
Επικοινωνία: infoDUMMY@pontianlyrics.gr