Προβολή Τραγουδιού
Ο πατέρα μ’ |
Σ’ όρωμα μ’ η ΠαναΐαΣτιχουργοί: Γιώργος Σιδηρόπουλος
Συνθέτες: Γιώργος Σιδηρόπουλος
Καλλιτέχνες: Γιώργος Σιδηρόπουλος, Μπάμπης Κεμανετζίδης
Είχα εγώ έναν πατέραν, Θεού ψ̌ην και νοικοκύρ’ Σο κιφάλι μ’ απάν’ τόπον πάντα έχ̌’ τ’ εμόν ο κύρ’ Τη Θεού την ευλοΐαν, τ’ όνομα σ’, Προφήτ’-Ηλία, τ’ όνομα σ’, Προφήτ’-Ηλία, είχ̌εν ο κύρ’ τ’ εμόν Ορφανός από μωρόπον σ’ έναν πλένθινον ’σπιτόπον Πάντα απέσ’ σην τυραννίαν, ’κ’ εκανέθε η ορφανία Τη Θεού την ευλοΐαν, τ’ όνομα σ’, Προφήτ’-Ηλία, τ’ όνομα σ’, Προφήτ’-Ηλία, είχ̌εν ο κύρ’ τ’ εμόν Σο φτωχόν, σον οδοιπόρον, χ̌έρ’ εδίν’νεν βοηθείας «Η τεπέ μ’» έλεεν «ξάφτ’, αν ελέπω αδικίας» Τη Θεού την ευλοΐαν, τ’ όνομα σ’, Προφήτ’-Ηλία, τ’ όνομα σ’, Προφήτ’-Ηλία, είχ̌εν ο κύρ’ τ’ εμόν
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αδικίας | (τα, πληθ.) αδικίες | ||
| απάν’ | πάνω | ||
| απέσ’ | μέσα | ||
| εδίν’νεν | έδινε | ||
| εκανέθε | έφτασε, ήταν αρκετό/ή | ||
| έλεεν | έλεγε | ||
| ελέπω | βλέπω | ||
| εμόν | δικός/ή/ό μου | ἐμοῦ | |
| ευλοΐαν | ευλογία | ||
| έχ̌’ | έχει | ||
| ’κ’ | δεν | οὐκί<οὐχί | |
| κιφάλι | κεφάλι | ||
| κύρ’ | πατέρα | ||
| μωρόπον | μωράκι | ||
| ξάφτ’ | πυρώνει | ||
| πλένθινον | πλίνθινο | πλίνθος=δομικό υλικό από πηλό | |
| ’σπιτόπον | (οσπιτόπον) σπιτάκι | ||
| τεπέ | κορυφή | tepe | |
| χ̌έρ’ | χέρι | ||
| ψ̌ην | ψυχή |
