Προβολή Τραγουδιού
Ούλ’ αγαπούμε μίαν |
Σ’ όρωμα μ’ η ΠαναΐαΣτιχουργοί: Βασίλης Μωυσιάδης
Συνθέτες: Γιώργος Σιδηρόπουλος
Καλλιτέχνες: Γιώργος Σιδηρόπουλος, Μπάμπης Κεμανετζίδης
Όλ’ αγαπούνε μίαν τέκ’ και παλαλά -ν- ευτάνε Θαρρείς και ’κ’ έν’ άλλο εγάπ’, τ’ αχούλ’ν ατουν-ε χάν’νε Αβούτ’ το ξερόν το κιφάλ’ γομάτον έν’ αέραν Ο κόσμον μίαν αγαπά, εγώ κάθαν ημέραν Έναν εγάπ’ σο καρδόπον έχ’νε ανθρώπ’ και ζούνε Και μετ’ ατό πορεύκουνταν κι αλλού κέσ’ ’κι τερούνε Αβούτ’ το ξερόν το κιφάλ’ γομάτον έν’ αέραν Ο κόσμον μίαν αγαπά, εγώ κάθαν ημέραν Εγώ τίναν ομοίασα, κορίτσ’ να μη ελέπω; Ταρχάλι͜α αγαπώ ατο κι απέσ’ σην καρδι͜ά μ’ θέκω Αβούτ’ το ξερόν το κιφάλ’ γομάτον έν’ αέραν Ο κόσμον μίαν αγαπά, εγώ κάθαν ημέραν
| Κείμενο | Επεξήγηση | Ετυμ. Ρίζα | Προέλευση |
|---|---|---|---|
| αβούτ’ | αυτό/ή, αυτοί/ές/ά | ||
| ανθρώπ’ | άνθρωποι | ||
| απέσ’ | μέσα | ||
| ατουν | τους | ||
| αχούλ’ν | μυαλό | akıl/ʿaḳl | |
| γομάτον | γεμάτο/η | ||
| εγάπ’ | αγάπη | ||
| ελέπω | βλέπω | ||
| έν’ | είναι | ||
| ευτάνε | κάνουν, φτιάχνουν | εὐθειάζω | |
| έχ’νε | έχουνε | ||
| θέκω | θέτω, τοποθετώ, βάζω | ||
| ’κ’ | δεν | οὐκί<οὐχί | |
| κάθαν | κάθε | ||
| καρδόπον | καρδούλα | ||
| κέσ’ | εκεί μέσα, προς τα εκεί | κέσου<κεῖσ’<κεῖσε<ἐκεῖσε | |
| ’κι | δεν | οὐκί<οὐχί | |
| κιφάλ’ | κεφάλι | ||
| μετ’ | μαζί με (με αιτιατική), με (τρόπος) | ||
| μίαν | μια φορά | ||
| όλ’ | όλοι/α | ||
| ομοίασα | έμοιασα | ||
| παλαλά | τρελά, τρέλες | ||
| πορεύκουνταν | πορεύονται | ||
| ταρχάλι͜α | αμέσως, μονομιάς | derhal/der (περσ.) + ḥāl (αραβ.) | |
| τέκ’ | μόνο, ένα, μοναδικό | tek | |
| τερούνε | κοιτούν | ||
| τίναν | ποιον/α | ||
| χάν’νε | χάνουν, παύουν να έχουν, διώχνουν |
