Την Σάνταν όποιος ’κ’ εξέρ’

Προβολή Τραγουδιού

Καλλιτέχνες: Μάντης Σαββίδης, Σταύρος Σαββίδης

Την Σάνταν όποιος ’κ’ εξέρ’
[γιαρ, γιαρ, γιαρ, τσ̌άνουμ γιαρ, γιαρ]
και όποιος ’κ’ επήεν
[Μα την Παναΐα, λέω!]
Να ελέπ’νε τ’ οσπιτόπα ’θε
[γιαρ, γιαρ, γιαρ, τσ̌άνουμ γιαρ, γιαρ]
και πού μέρος εχτίεν
[Μα την Παναΐα, λέω!]

Η Σάντα έχ̌’ τον Γιάμπουλη¹,
[γιαρ, γιαρ, γιαρ, τσ̌άνουμ γιαρ, γιαρ]
έμορφον ποταμόπον
[Μα την Παναΐα, λέω!]
Επέγ’ναν εκεί κι εψάρευαν
[γιαρ, γιαρ, γιαρ, τσ̌άνουμ γιαρ, γιαρ]
ο κύρη μ’ και -ν- ο πάππο μ’
[Μα την Παναΐα, λέω!]

Επήγα κι είδα την Σαντάν
[γιαρ, γιαρ, γιαρ, τσ̌άνουμ γιαρ, γιαρ]
απέσ’ σ’ άγρι͜α τ’ ορμάνι͜α
[Μα την Παναΐα, λέω!]
Ας σα πουλία τη Θεού
[γιαρ, γιαρ, γιαρ, τσ̌άνουμ γιαρ, γιαρ]
επέρ’νανε τερμάνι͜α/χαπάρι͜α
[Μα την Παναΐα, λέω!]

Οι Τούρκ’ έκουγαν την Σαντά
[γιαρ, γιαρ, γιαρ, τσ̌άνουμ γιαρ, γιαρ]
κι εκέσ’ ζατί ’κ’ επέγ’ναν
[Μα την Παναΐα, λέω!]
Ας σο Μεσοχώρ’ κι απάν’
[γιαρ, γιαρ, γιαρ, τσ̌άνουμ γιαρ, γιαρ]
καμίαν ’κ’ εδεβαίναν
[Μα την Παναΐα, λέω!]

Γλωσσάρι

Κείμενο	Επεξήγηση	Ετυμ. Ρίζα
απάν’	πάνω
απέσ’	μέσα
γιαρ	αγαπητός/ή/ό, αγάπη	yâr
εδεβαίναν	(για τόπο) περνούσαν, διέσχιζαν (για χρόνο) περνούσαν	διαβαίνω
εκέσ’	εκεί
έκουγαν	άκουγαν
ελέπ’νε	βλέπουνε
έμορφον	όμορφο
εξέρ’	ξέρω/ει, γνωρίζω/ει
επέγ’ναν	πήγαιναν
επήεν	πήγε
έχ̌’	έχει
εχτίεν	χτίστηκε
ζατί	εξάλλου	zaten/ẕāten
’θε	του/της
’κ’	δεν	οὐκί<οὐχί
καμίαν	ποτέ
ορμάνι͜α	δάση	orman
οσπιτόπα	σπιτάκια	hospitium<hospes
πού μέρος	σε ποιό μέρος;
τερμάνι͜α	θεραπεία, δύναμη, μτφ. λύση	derman/dermān
Τούρκ’	Τούρκοι
τσ̌άνουμ	αγαπημένη μου	canım
χαπάρι͜α	ειδήσεις, νέα	haber/ḫaber

Σημειώσεις

¹ (σημ. Yanbolu) ποταμός που διαρρέει την περιοχή της Σάντας του Πόντου