Ευκλείδης

Προβολή Τραγουδιού

Πρωτοπαλληκάρ’ έχασεν
ατέ η Νέα Σάντα
Και μοιρολογούν’ και κλαίγ’ν’ ατον,
αραεύ’ν’ ατον πάντα
Ε! μαύρε καπετάνε!

Σκοτία πίσσα έτονε,
ο καιρόν λιβωμένος
Αφκά σο κάρον εκείτον
Ευκλείδης ματωμένος
Ε! μαύρε καπετάνε!
Αφκά σο κάρον εκείτον
Ευκλείδης σκοτωμένος
Ε! μαύρον παλληκάρι!

Ευκλείδη μ’, τα παλληκάρι͜α σ’
εσέναν αραεύ’νε
Άμον ντ’ ακούγ’νε τ’ όνομα σ’
κάθουνταν κα’ και κλαίγ’νε
Ε! μαύρε καπετάνε!/Ε! μαύρον παλληκάρι!

Που είσαι και ’κι φαίνεσαι;
Ε! καπετάν’ Ευκλείδη!
Και κλαίγν’ εσέν τα παλληκάρι͜α σ’,
οι συγγενείς κι οι φίλοι
Ε! μαύρον παλληκάρι!

Γλωσσάρι

Κείμενο	Επεξήγηση	Ετυμ. Ρίζα
ακούγ’νε	ακούνε
άμον	σαν, όπως, καθώς	ἅμα
αραεύ’ν’	ψάχνουν, αναζητούν, γυρεύουν	aramak
αραεύ’νε	ψάχνουν, αναζητούν, γυρεύουν	aramak
ατέ	αυτή
αφκά	κάτω
εκείτον	κείτονταν, ξάπλωνε
έτονε	ήταν
έχασεν	έχασε, έδιωξε, πέταξε κτ
κα’	κάτω
κάθουνταν	κάθονται
’κι	δεν	οὐκί<οὐχί
κλαίγ’νε	κλαίνε
λιβωμένος	συννεφιασμένος	λίβος<λείβω
σκοτία	σκοτάδι