Ξαν θα έρχουμαι

Προβολή Τραγουδιού

Καλλιτέχνες: Γιώργος Ιωαννίδης, Λάζος Ιωαννίδης, Χρήστος Καλιοντζίδης

Αν φεύω, ξαν θα έρχουμαι,
τρυγόνα μ’, μη φοάσαι
Όσον μακρά κι αν στέκομε
η καρδι͜ά μ’ θ’ αγαπά σε

Απάν’ σα ξημερώματα,
τρυγόνα μ’, ν’ αναμέντς με
και έναν φίλεμαν γλυκύν
να δί’ς με και τελέντς με

Να ρούζω στ’ εγκαλιόπο σου
και χτίζω τα μουράτι͜α σ’,
για να ελέπω τη χαράν
σα έμορφα τ’ ομμάτι͜α σ’

Γλωσσάρι

Κείμενο	Επεξήγηση	Ετυμ. Ρίζα
αναμέντς	περιμένεις
απάν’	πάνω
γλυκύν	γλυκιά/ό
δί’ς	δίνεις
εγκαλιόπο	αγκαλίτσα
ελέπω	βλέπω
έμορφα	όμορφα
έρχουμαι	έρχομαι
μακρά	(επιρρ.) μακριά, (επιθ.) μακρινά, απομακρυσμένα
μουράτι͜α	επιθυμίες, πόθοι	murat/murād
ξαν	πάλι, ξανά
ομμάτι͜α	μάτια
ρούζω	πέφτω, ρίπτω
στέκομε	στέκουμε
τελέντς	(μεταβ.) τελειώνεις κτ
τρυγόνα	το πουλί τρυγόνι, χαϊδευτική προσφώνηση γυναίκας
φεύω	φεύγω
φίλεμαν	φιλί
φοάσαι	φοβάσαι