Και με τα τραγωδίας ι-μ’

Και με τα τραγωδίας ι-μ’
[ν’ αϊλί εμέν!]
και με το τουλουμόπο μ’
[ούι, ν’ αϊλί και βάι ξαν εμέν]
την τρυγονίτσα μ’ έχ’ ατεν
[ν’ αϊλί εμέν!]
σ’ οσπίτι μ’ εγλεντζ̌όπον
[ούι, ν’ αϊλί και βάι ξαν εμέν]

Κανείται, Θεέ μ’, άλλο μη βρέ͜εις,
[ν’ αϊλί εμέν!]
κατασπάντς τα λιθάρι͜α
[ούι, ν’ αϊλί και βάι ξαν εμέν]
Τ’ εμά τα δάκρυ͜α και τσ’ εγάπ’ς
[ν’ αϊλί εμέν!]
κανείνταν σα χορτάρι͜α
[ούι, ν’ αϊλί και βάι ξαν εμέν]

Με τα πουλόπα του Θεού
[ν’ αϊλί εμέν!]
θα ’φτάγω συντροφίαν
[ούι, ν’ αϊλί και βάι ξαν εμέν]
Ατά πας̌ κ’ έχ’νε άμον τ’ εσόν
[ν’ αϊλί εμέν!]
σιδερένεν καρδίαν;
[ούι, ν’ αϊλί και βάι ξαν εμέν]