Χωρίς πατέραν ση ζωήν

Προβολή Τραγουδιού

Καλλιτέχνες: Παύλος Καλαϊτζίδης, Ρήγας Κοτανίδης

Χωρίς πατέραν ’τράνυνα
και χωρίς προστασίαν
Απέσ’ σα δάκρυ͜α και καημούς
κι απέσ’ ση μαναχ̌ίαν

«Πατέρα» ακούγω και να λέν’
αδά ση γειτονίαν
Τ’ εμόν το ψ̌όπον κλαίει, πονεί
και λύεται η καρδία μ’

Χωρίς πατέραν ση ζωήν,
σα βάσανα, σα πόνα̤
Χαράν πουθέν ’κ’ επέντεσα
κι έζησα μαύρα χρόνα̤

«Πατέρα» ακούγω και να λέν’
αδά ση γειτονίαν
Τ’ εμόν το ψ̌όπον κλαίει, πονεί
και λύεται η καρδία μ’

Γλωσσάρι

Κείμενο	Επεξήγηση	Ετυμ. Ρίζα
αδά	εδώ
απέσ’	μέσα
εμόν	δικός/ή/ό μου	ἐμοῦ
επέντεσα	απάντησα, συνάντησα τυχαία
’κ’	δεν	οὐκί<οὐχί
λύεται	λιώνει
μαναχ̌ίαν	μοναξιά
πόνα̤	(αιτ.) πόνοι, πόνους
πουθέν	πουθενά
’τράνυνα	(ετράνυνα) μεγάλωσα, ανέθρεψα	τρανόω-ῶ
χρόνα̤	χρόνια
ψ̌όπον	ψυχούλα