Εγώ είμαι πάντα τ’ εσόν

Προβολή Τραγουδιού

Καλλιτέχνες: Παύλος Καλαϊτζίδης, Ρήγας Κοτανίδης

Τερώ τ’ ομμάτι͜α σ’ τ’ έμορφα
και τα δα̤κρόπα στάζ’νε
Τα δα̤κρόπα σ’ είναι πικρά
και το καρδόπο μ’ σπάζ’νε

Εσύ, πουλόπο μ’, όντας κλαις,
κλαίει και τ’ εμόν το ψ̌όπον
Θέλω να λες και να γελάς,
για ρούξον σ’ εγκαλόπο μ’

Εγώ είμαι πάντα τ’ εσόν
κι εσύ είσαι το ταίρι μ’
Και μετ’ εσέν θα χ̌αίρουμαι,
πουλόπο μ’, περιστέρι μ’

Γλωσσάρι

Κείμενο	Επεξήγηση	Ετυμ. Ρίζα
δα̤κρόπα	(υποκορ.) δάκρυα
εγκαλόπο	αγκαλιά, αγκαλίτσα
εμόν	δικός/ή/ό μου	ἐμοῦ
έμορφα	όμορφα
εσόν	δικός/ή/ό σου
καρδόπο	καρδούλα
μετ’	μαζί με (με αιτιατική), με (τρόπος)
ομμάτι͜α	μάτια
όντας	όταν
πουλόπο	πουλάκι
ρούξον	(προστ.) πέσε
σπάζ’νε	σφάζουνε
στάζ’νε	στάζουνε
τερώ	κοιτώ
χ̌αίρουμαι	χαίρομαι
ψ̌όπον	ψυχούλα