Γλυκέα τα στομόχειλα τ’ς

Προβολή Τραγουδιού

Καλλιτέχνες: Παύλος Καλαϊτζίδης, Ρήγας Κοτανίδης

Σην εβόραν ’κάθουμ’νε
αφκά σ’ έναν δεντρόπον
Έρθεν εύρε με εγάπ’
κι ερρούξεν σ’ εγκαλόπο μ’

Σ’ εγκαλόπο μ’ ’φίλ’να ’τεν,
απέσ’ σα μανουσ̌άκια
Ολόερα εσκουντούλτσαν
τ’ έμορφα τα τσ̌ιτσ̌άκια

Γλυκέα τα στομόχ̌ειλα τ’ς,
φιλώ και ’κι χορτάζω
Εγκάλι͜ας και φιλέματα,
κλαίω κι αναστενάζω

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
αφκά	κάτω
γλυκέα	(επιρρ.) γλυκά
δεντρόπον	δεντράκι
εβόραν	σκιά
εγάπ’	αγάπη
εγκάλι͜ας	(γεν. εν.) αγκαλιάς, (ον./αιτ. πληθ.) αγκαλιές
εγκαλόπο	αγκαλιά, αγκαλίτσα
έμορφα	όμορφα
έρθεν	ήρθε
ερρούξεν	έπεσε
εσκουντούλτσαν	ευωδίασαν
εύρε	βρήκε
’κάθουμ’νε	(εκάθουμ’νε) καθόμουν
’κι	δεν	οὐκί<οὐχί
μανουσ̌άκια	μενεξέδες/βιολέτες	մանուշակ (manušak)<manafšak
ολόερα	ολόγυρα
στομόχ̌ειλα	τα χείλια του στόματος
’τεν	αυτήν
τσ̌ιτσ̌άκια	λουλούδια	çiçek
φιλέματα	φιλιά
’φίλ’να	(εφίλ’να) φιλούσα
χορτάζω	χορταίνω