Ποντιακός Στίχος

Προβολή Τραγουδιού

Ομάλιν

Ηχοχρώματα από την Κεϊλούκα ΝικοπόλεωςΗχοχρώματα από την Κεϊλούκα Νικοπόλεως

Στιχουργοί: Παραδοσιακό

Συνθέτες: Παραδοσιακό

Καλλιτέχνες: Γρηγόρης Καβαζίδης


Πολλά ψηλά πα μη πετάς
[τζ̌ανίμ, αμάν!]
πέταξον ’λίγον χαμηλά
[τζ̌ανίμ, αμάν!]
Πέταξον ’λίγον χαμηλά
[τζ̌ανίμ, αμάν!]
και ρούξον σην εγκάλα̤ μ’
[τζ̌ανίμ, αμάν!]

Σον Αϊ-’λίαν αφκακέσ’
[τζ̌ανίμ, αμάν!]
θερίζ’ τ’ εμόν τ’ αρνόπον
[τζ̌ανίμ, αμάν!]
Έμορφα και νόστιμα
[τζ̌ανίμ, αμάν!]
θερίζ’ τ’ εμόν τ’ αρνόπον
[τζ̌ανίμ, αμάν!]

♫

Πάει ο ποπάς, πάει ο ποπάς
φιλεί την Παναγία
Πάγω κι εγώ ο χ̌ιλάκλερος
φιλώ την ποπαδίαν

Δύο κορτσόπα -ν- έμορφα
Ανάστα και Μαρίκα
Την Μαρίκα εφίλεσα [πουλί μ’]
την ’Νάστα εγκαλά̤στα

Αν αποθάνω θάψτε με
σ’ έναν ψηλόν ραχ̌όπον
Θ’ ακούω τσ̌οπάν’ σ̌ύριγμαν [πουλί μ’]
και κεμεντζ̌ές λαλόπον

♫

[Και -ν-] Έμορφος είσαι έμορφος,
τιδέν ’κ’ έχω να λέγω
Εγώ πα παλληκάρ’ είμαι
το καρδόπο σ’ θα καίγω

Εγώ ποπάς ’κι ’ίνουμαι
σο ιερόν ’κ’ εμπαίνω
Όταν ελέπω τ’ έμορφα [πουλί μ’]
σ̌ασ̌εύω κι απομένω
Γλωσσάρι
ΚείμενοΕπεξήγησηΕτυμ. ΡίζαΠροέλευση
αποθάνωπεθαίνω
αρνόποναρνάκι, χαϊδευτική προσφώνηση γυναίκας
αφκακέσ’κάτω πέρα
ελέπωβλέπω
εμόνδικός/ή/ό μου ἐμοῦ
έμορφαόμορφα
έμορφοςόμορφος/η
εφίλεσαφίλησα
’ίνουμαιγίνομαι
’κ’δεν ουκί<οὐχί
καρδόποκαρδούλα
κεμεντζ̌έςλύρας kemençe/kemānçe
’κιδεν ουκί<οὐχί
κορτσόπακοριτσάκια
λαλόπονλαλιά, φωνή
παπάλι, επίσης, ακόμα
πέταξονπέταξε (προστ.)
πολλάπολλά (επίθ.), πολύ (επίρ.)
ποπάςπαπάς
ραχ̌όπονραχούλα, μικρό βουνό
ρούξονπέσε (προστ.)
σ̌ασ̌εύωσαστίζω, τα έχω χαμένα şaşmak
σ̌ύριγμανσφύριγμα σῦριγξ
τιδέντίποτα
τσ̌οπάν’τσομπάνηδες, βοσκοί çoban/çūbān, şūbān

Ποντιακός Στίχος - Pontian Lyrics 2024

Τραγούδια: 7825 | Albums/Singles: 1118 | Συντελεστές: 1525 | Λήμματα: 12581
Επικοινωνία: infoDUMMY@pontianlyrics.gr