Σ̌ουλτούρα μ’

Προβολή Τραγουδιού

Σ̌ουλτούρα μ’, ποδεδίζω σε
φιλώ και το στομόπο σ’
Μόνασον με ένα βραδήν
απέσ’ σο κρεβατόπο σ’

Για έλα κάτ’ θα λέγω σε,
σ̌ουλτούρα μ’, μη φοάσαι
Τ’ ομμάτι͜α μ’ αραεύ’νε σε,
η ψ̌η μ’ πολλά αγαπά σε

Εμείς μαζί ’κι ’ίνουμες
και χώρι͜α ’κ’ επορούμε
Σ̌ουλτούρα μ’, ντο θα ’ίνουμες
απ’ ατώρα ας τερούμε

Γλωσσάρι

Κείμενο	Επεξήγηση	Ετυμ. Ρίζα
απέσ’	μέσα
αραεύ’νε	ψάχνουν, αναζητούν, γυρεύουν	aramak
ατώρα	τώρα
βραδήν	βράδυ
επορούμε	μπορούμε
’ίνουμες	γινόμαστε
’κ’	δεν	οὐκί<οὐχί
’κι	δεν	οὐκί<οὐχί
κρεβατόπο	κρεβατάκι
μόνασον	(προστ.) φιλοξένησε για διανυκτέρευση
ομμάτι͜α	μάτια
ποδεδίζω	(ενεργ. και μέση) χαίρομαι, απολαμβάνω, προσκυνώ	από+δέδιν (<δείδω=φοβάμαι, ανησυχώ)
ποδεδίζω σε	να σε χαρώ	από+δέδιν (<δείδω=φοβάμαι, ανησυχώ)
πολλά	(επίθ.) πολλά, (επίρρ.) πολύ
σ̌ουλτούρα	γυναίκα ευκίνητη
στομόπο	στοματάκι
τερούμε	κοιτάμε
φοάσαι	φοβάσαι
χώρι͜α	χωριστά
ψ̌η	ψυχή