Προβολή Τραγουδιού

Τικ ’κοδεσπαινιακόν

Καλλιτέχνες: Αριστοτέλης Αρχιτεκτονίδης, Στάθης Τσαΐρίδης

Ήλιος ας σην ανατολήν
είδε σε κι εφοέθεν
Άμον εσέναν ’κ’ έλαμπεν
την ώραν ντ’ εγεννέθεν

Ήλιε μ’, ας σην ανατολή σ’
δος τ’ αρνόπο μ’ λαλίαν
Πέτ’ α̤το «αναμέν’νε σε,
ομμάτι͜α σεβνταλία»

Πουλί μ’, τ’ ομμάτι͜α σ’ να φιλώ,
τη γλώσσα σ’ να βουκούμαι
Απέσ’ σ’ άσπρον τ’ εγκαλιόπο σ’
να κείμαι και κοιμούμαι

Γλωσσάρι

Κείμενο	Επεξήγηση	Ετυμ. Ρίζα
άμον	σαν, όπως, καθώς
αναμέν’νε	περιμένουν, αναμένουν
απέσ’	μέσα
αρνόπο	αρνάκι, χαϊδευτική προσφώνηση γυναίκας
βουκούμαι	κάνω μια μπουκιά
δος	δώσε
εγεννέθεν	γεννήθηκε
εγκαλιόπο	αγκαλίτσα
εφοέθεν	φοβήθηκε
’κ’	δεν	ουκί<οὐχί
κείμαι	κείτομαι, ξαπλώνω
κοιμούμαι	κοιμάμαι
λαλίαν	λαλιά, φωνή
ομμάτι͜α	μάτια
σεβνταλία	ερωτοχτυπημένα, ερωτευμένα, ερωτικά	sevdalı